NINGPAWT NINGHPANG 50:1 - Jinghpaw Common Language Bible 2009

¹ Yosep gaw shi a kawa hpe ahpum nna hkrap let shi a myi man hpe pup wu ai.

Jinghpaw Hanson Version Bible

¹ Shaloi Yawsep shi kawa a myi man ntsa e gum nna, shi a ntsa e hkrap let shi hpe pup wu ai.

NINGPAWT NINGHPANG 50:1 ပူးပေါင်းရင်းမြစ်များ

NINGPAWT NINGHPANG 23:2

Sara gaw Hkanan mung na Hebron mare hta si mat ai. Shi si mat ai majaw Abraham sharung shayawt ai hte hkrap ngu hkrap ngoi nga wu ai.

NINGPAWT NINGHPANG 46:4

Ngai mung nang hte rau Egutu mung de yu sa nna, dai kaw na ndai mung de na a amyu matu ni hpe ngai bai woi lung wa na nngai. Yosep mung nang si ai aten du hkra nang hte rau nga nga na ra ai,” ngu nna tsun wu ai.

NINGPAWT NINGHPANG 49:33

Yaku gaw shi a shadang sha ni hpe numhtet ga tsun matsun ngut jang, shi bai galeng dat ai hte nsa hti mat salu ai. Shi a amyu hpawng nga ai de du mat wa nga ai.

NINGPAWT NINGHPANG 50:2

Dai hpang Yosep gaw shi a kawa a hkum tsawp n yat manam mat hkra tsi lajang da na matu hkang da wu ai.

2 HKAWHKAM 13:14

Myihtoi Elisha gaw si lu na daram re ai ana ahkya hte machyi hkrum sha nga ai; shi kaleng taw nga yang Israela Hkawhkam Yehoasha shi kaw sa du kawan wu ai. Shaloi shi hkrap let, “Nye wa e, nye wa e, nang gaw Israela a matu chyalai n-gun hte hpring ai dahpran shara rai nga nit dai law,” ngu nna jahtau tsun wu ai.

KASA 8:2

Tara hkungga ai masha nkau mi Stehpan a moi mang hpe makoi mayang nna, shi a majaw hkrap ngu hkrap ngoi kaba hte yawn hkyen ma ai.

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

1 HTESALONI 4:13

Anhte a hpu nau ni e, myit mada shara n nga ai kaga masha ni zawn nanhte yawn hkyen n hkrum myit ga, anhte gaw si mat ai ni hte seng nna dai teng man ai lam nanhte hpe chye shangun mayu ga ai.