NINGPAWT NINGHPANG 5:1 - Jinghpaw Common Language Bible 2009

¹ Ndai gaw Adam a amyu matu ni a labau lasang lam rai nga ai. (Karai Kasang shinggyim masha ni hpe hpan da ai shaloi shi hkum nan hte bung hkra galaw da nu ai.

Jinghpaw Hanson Version Bible

¹ Ya ndai gaw Adam a labau lasang ni a lam rai nga ai. Karai Kasang gaw shinggyim masha hpe hpan tawn da ai nhtoi hta shi Karai Kasang a hkrang sumla hte maren shi hpe galaw wu ai; lasha hte numsha hpe hpan da wu ai.

NINGPAWT NINGHPANG 5:1 ပူးပေါင်းရင်းမြစ်များ

NINGPAWT NINGHPANG 10:1

Ndai lam ni gaw Noa a shadang sha ni rai nga ai, Shem, Ham hte Yahpet ni a aru arat ni rai ma ai. Dai masum hte gaw sha-u ing ai hpang e shadang sha ni hpe shaprat ma ai.

NINGPAWT NINGHPANG 2:4

Ndai hte gaw ninggawn tawa amu hpe kaning rai hpan da nga ai lam rai nga ai. Dai Madu Karai Kasang gaw ninggawn tawa hpe hpan hpajang da yang,

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

1 HKAWHKAM LABAU 1:1

Adam gaw Shet a kawa, Shet gaw Enosha a kawa, Enosha gaw Kenan a kawa,

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

HPAJI NINGLI 7:29

Ngai gaw ndai lam yawng mayawng hpe sharin la ni ai; Karai Kasang gaw anhte hpe asan sha hpan da ti mung, anhte mahtang anhte a hkum hpe kashuk kashak shabyin nga ga ai.

MAHTE 1:1

Ndai gaw Abraham a aru arat rai nga ai Dawi a matu mara Yesu Hkristu a labau gawn ai hta lawm ai kaji kawa ni a mying jahpan rai nga ai.

1 KORINHTU 11:7

Lasha chyawm gaw Karai Kasang a hkrang bung sumla hte hpung shingkang nsam shapraw ai wa rai nga ai majaw baw magap na n sut nga ai. Numsha mahtang gaw lasha a hpung shingkang nsam shapraw nga ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

EHPESU 4:24

Nanhte gaw Karai Kasang a hkrang sumla hte hpan da ai gawng shingyan ningnan hpe bu hpun dagraw nna dai hta nan teng man ai hte seng ai ding hpring chyoi pra ai sak hkrung lam hpe shadan dan lu na rai myit dai.

KOLOSE 3:10

Hpan da ai Karai Kasang gaw dai masha ningnan hpe Karai Kasang shi a hkrang sumla hte grau grau bung wa hkra galaw lajang nga dingyang rai nga ai. Shing rai galaw ai gaw nanhte dai Madu hpe hkum tsup hkra chye chyang wa lu na matu rai nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!