NINGPAWT NINGHPANG 48:9 - Jinghpaw Common Language Bible 2009

⁹ Yosep chyawm gaw, “Ndai yan gaw Egutu mung e Karai Kasang ngai hpe jaw ai shadang sha yan rai nga ma ai,” ngu nna htan wu ai. Yaku mung, “Shan hpe ngai hpang de sit wa shangun u; shan hpe ngai shaman ya na nngai,” ngu nna tsun wu ai.

Jinghpaw Hanson Version Bible

⁹ Yawsep gaw, Ndai mung e Karai Kasang ngai hpe jaw ai ngai sha yan rai nga ma ai, ngu nna kawa hpe tsun wu ai. Kawa gaw, Shan hpe ngai kaw sit wa shangun rit, shan hpe ngai shaman ya mawe ga, ngu wu ai.

NINGPAWT NINGHPANG 48:9 ပူးပေါင်းရင်းမြစ်များ

NINGPAWT NINGHPANG 27:4

Ngai sha ra hkra mu mai ai hku lusha shadu nhtawm ngai hpang de la wa rit. Dai hpe sha ngut ai hte rau nye a nsa garai n htum mat ai laman, hpang jahtum ngai tsun na shaman ga, nang hpe ngai jaw na we ai,” ngu nna tsun wu ai.

NINGPAWT NINGHPANG 30:2

Yaku gaw Rahkela hpe masin pawt let, “Karai Kasang a shara hta ngai n nga lu nngai; kashu kasha n shaprat shangun lu ai mung shi chyu sha re,” ngu nna tsun wu ai.

NINGPAWT NINGHPANG 33:5

Esaw gaw grup yin de mada yu wu yang, numsha ni hte kasha ni hpe mu ai shaloi, “Nang hte rau hkan ai ndai masha ni gaw kadai ni rai nga ma ta?,” ngu nna san wu ai. Hpu ba e, ndai ni gaw ra n rawng hkra ngai hpe Karai Kasang jaw ya ai ma ni rai nga ma ai,” ngu nna Yaku htan wu ai.

NINGPAWT NINGHPANG 49:28

Ndai hte gaw Israela amyu bawsang shi lahkawng rai nga ma ai; ga ndai gaw shadang sha shagu lu la ang ai hte maren shanhte a kawa tsun da ai shaman ga rai nga ai.

1 HKAWHKAM LABAU 25:5

Karai Kasang gaw daru magam n-gun jaw ya na nga ga sadi jaw da nu ai hte maren, hkawhkam wa a myihtoi rai nga ai Heman hpe shadang sha shi mali, shayi sha masum hte hpe jaw ya wu ai.

SHAKAWN KUNGDAWN 127:3

Kashu kasha ni gaw dai Madu kaw na kumhpa ni rai nga ai; shanhte gaw jet ai shaman chyeju majing ni rai ma ai.

ESAIA 8:18

Ngai gaw ndai yang e dai Madu ngai hpe jaw da sai kashu kasha ni hte rau nga nga nngai. Chyahtum Chyalai N-gun rawng ai dai Madu a tingnyang gaw Ziun Bum ntsa e nga nga ai rai nna anhte hpe Israela amyu masha ni hpang de ahkrung nga ai mungga ni hku shangun dat mi ai.

TARA JAHPRANG 33:1

Ndai gaw Karai Kasang a masha Mawshe, shi garai n si wa yang, Israela amyu masha ni hpe shaman ya ai ga ni rai nga ai.

HEBRE 11:21

Kam sham ai hte Yaku gaw, shi si wa magang yang, Yosep a kasha yan hpe shaman ya nna shi a dawhkrawng matu hta madi shamyet let Karai Kasang hpe nawku wu ai.

1 SAMUELA 1:20

Shing rai, shi hta na-um nasin rai wa nna shadang sha shangai wu ai. Hana gaw shi hpe Samuela ngu shamying ya nga ai; dai gaw, “Shi hpe dai Madu kaw na ngai hpyi la nngai,” ngu nna shaleng dan nga ai.

1 SAMUELA 1:27

Ndai ma hpe ngai hpyi se ai rai nna ngai hpyi ai hte maren ngai hpe jaw ya nga ai.