NINGPAWT NINGHPANG 48:3 - Jinghpaw Common Language Bible 2009

³ Yaku gaw Yosep hpe, “Chyahtum Chyalai N-gun Rawng Ai Karai Kasang gaw Hkanan mung Luza mare e ngai kaw dan pru nna shaman ya ni ai.

Jinghpaw Hanson Version Bible

³ Shaloi Yaku gaw, Chyahtum chyalai n-gun rawng ai Karai Kasang gaw Hkanan mung Luza mare e ngai kaw dan pru nna shaman ya let tsun nngai gaw,

NINGPAWT NINGHPANG 48:3 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 17:6

Ngai nang hpe amyu matu law law jaw na we ai; dai ni hta nkau mi hkawhkam hkawseng pru shajang na mara ai. Nang hta amyu matu grai law htam wa nna dai ni gaw amyu baw ni tai wa na mara ai.

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

NINGPAWT NINGHPANG 48:2

Yaku gaw shi a kasha Yosep shi hpe sa hkrum ai lam hpe na wu yang, n-gun da ting la nna yup ku hta rawt dung wu ai.

NINGPAWT NINGHPANG 49:25

Dai gaw nang hpe karum ai na nwa a Karai Kasang rai nna, Sumsing lamu na shaman ai chyeju marang hte mung, Ga kata na sung ai hka a majaw mung, Yam nga hte kashu kasha law law mayat maya shangun ai shaman chyeju ni a majaw mung,

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

HOSEA 12:4

Shi gaw lamu kasa hpe kamu dang lu jang, hkrap let shaman chyeju hpyi wu ai. Dai hpang Karai Kasang gaw anhte a kaji kawa Yaku hpang de sa nna Behtela mare e shi hte ga shaga chyai wu ai.

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.