NINGPAWT NINGHPANG 48:17 - Jinghpaw Common Language Bible 2009

¹⁷ Kawa mahtang Ehprim a baw ntsa e shi a hkra lata mara tawn ai hpe Yosep mu nna myit n pyaw wu ai; kawa a lata hpe Ehprim a baw kaw na Manashe a baw de htawt mara ya na matu pawn ya wu ai.

Jinghpaw Hanson Version Bible

¹⁷ Kawa gaw Ehprim a baw ntsa e shi a hkra lata mara wu ai hpe Yawsep mu wu yang, shi myi n mu nna, kawa hpe,

NINGPAWT NINGHPANG 48:17 ပူးပေါင်းရင်းမြစ်များ

NINGPAWT NINGHPANG 28:8

Shi a kawa Isak Hkanan numsha ni hpe n ra sharawng nga ai hpe Esaw mu chye wu ai.

NINGPAWT NINGHPANG 38:10

Shi galaw ai lam hpe dai Madu n ra sharawng wu ai majaw shi hpe mung sat kau wu ai.

NINGPAWT NINGHPANG 48:14

Rai ti mung, Yaku mahtang shi a lata hpe kashai kau nna shi a hkra lata hpe asak kaji ai Ehprim a baw ntsa e mara tawn wu ai; shi a pai lata hpe chyawm gaw grau kaba ai Manashe a baw ntsa e mara ya wu ai.

NINGPAWT NINGHPANG 48:18

Shi gaw kawa hpe, “Wa e, dai hku n rai nga ai; ndai ma mahtang shadang sha alat rai nga ai; na a hkra lata shi a baw ntsa e mara ya u,” ngu nna tsun wu ai.

1 HKAWHKAM 16:25

Omri gaw shi a shawng na hpu shawng hpu ba ni kadai hta mung grau nna dai Madu hpe shut kau nga wu ai.

1 HKAWHKAM LABAU 21:7

Dai zawn galaw kau manu ai lam hpe Karai Kasang n ra sharawng wu ai rai nna Israela amyu ni hpe ari jaw wu ai.

GA SHAGAWP 24:18

Nang gaw shi a jaw e, kabu taw nga ai rai yang, Madu gaw dai hpe chye ya nna n yu sharawng na ra ai; shaloi shi hpe ari n jaw na nhten!

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 22:34

Balam gaw, “Ngai shut ni ai, ngai hkum shingdang na matu lam e nang tsap nga ndai hpe ngai n chye kau we ai; ya rai ti mung, hkawm matut na lam nye a matu n manu ai ngu nna nang myit lu ai rai yang, ngai nta de bai nhtang wa na nngai,” ngu nna tsun wu ai.

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

YAWSHU 17:1

Yosep a kasha alat Manashe a amyu matu hta na lakung lama nkau mi hpe masat ya ai lamu ga sali gaw Yawdan hka a sinna maga nga ai lamu ga chyen mi rai nga ai. Manashe a kasha alat Gilead a kawa Mahkira chyawm gaw hpyen amu hta share shagan lu ai wa rai nna, Yawdan hka a sinpraw maga de na Gilead hte Bashan shi hpe masat ya ma ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.