NINGPAWT NINGHPANG 47:3 - Jinghpaw Common Language Bible 2009

³ Hkawhkam wa mung, “Nanhte a magam bungli ni gaw hpa wa mi rai nga myit ni?,” ngu nna shanhte hpe san wu ai. Shanhte gaw, “Madu e, anhte gaw anhte a kaji kawa ni zawn sagu bainam rem sha ai ni rai nga ga ai.

Jinghpaw Hanson Version Bible

³ Shaloi Hpara-u gaw, Nanhte hpa galaw sha ai ni rai myit ta? ngu nna Yawsep a kahpu kanau ni hpe san wu yang, shanhte gaw, Na mayam ni anhte gaw ji woi prat kaw nna sagu rem sha ai ni rai ga ai, ngu nna Hpara-u hpe htan mu ai.

NINGPAWT NINGHPANG 47:3 ပူးပေါင်းရင်းမြစ်များ

NINGPAWT NINGHPANG 4:2

Shi gaw hpang e mung Abela ngu ai shadang sha hpe bai shangai wu ai. Abela mahtang sagu rem sha ai wa rai nna Ka-in gaw yi hkauna galaw sha ai wa rai nga ai.

YONA 1:8

Dai rai nna, shanhte gaw shi hpe, “Ya, dai rai yang gaw, anhte hpe tsun dan mi! Ndai lam kadai hpe mara shagun na rai ta? Nang gaw nang e hpa galaw nga n ta? Nang gaw gara mung na sa wa n ta? Nang gaw hpa baw amyu masha rai n ta?,” ngu nna tsun ma ai.

2 HTESALONI 3:10

Nanhte hte rau anhte naw nga nga ai ten hta, “Amu bungli n galaw mayu ai wa gaw shat mung n sha u ga,” ngu nna nanhte hpe anhte tsun ga saga ai.