NINGPAWT NINGHPANG 47:1 - Jinghpaw Common Language Bible 2009

¹ Dai rai nna Yosep gaw shi a kahpu manga hpe woi nhtawm hkawhkam wa hpang de shang ma ai. Shi gaw, “Nye wa hte nye a kahpu kanau ni shanhte a sagu bainam, yam nga hpung ni hte shanhte madu da sai arung arai yawng hte Hkanan mung kaw na du yu wa ma ai; ya Goshen mung e shanhte nga nga ma ai,” ngu nna tsun dan wu ai.

Jinghpaw Hanson Version Bible

¹ Shaloi Yawsep gaw Hpara-u kaw shang nna, Nye wa hte ngai hpu ngai nau ni, shanhte a sagu bainam, yamnga hpung ni hte arung arai yawng htaw nna Hkanan mung na du mara ai rai nna Goshen mung e nga nga ma ai, ngu nna tsun shana wu ai.

NINGPAWT NINGHPANG 47:1 ပူးပေါင်းရင်းမြစ်များ

NINGPAWT NINGHPANG 46:31

Dai hpang Yosep gaw shi a kahpu kanau ni hte shi a kawa a dinghku masha ni hpe, “Hkanan mung na nye a kahpu kanau ni hte nye wa a dinghku masha ni yawng ngai kaw du nga sai lam, hkawhkam wa hpe ngai wa shana na nngai.

NINGPAWT NINGHPANG 45:10

Ngai hte ani sha rai nga ai Goshen mung hta nang mung, na a kasha ni hte kashu ni mung, sagu bainam ni mung, dumsu yam nga ni hte nang lu malu mahkra hte shanu nga lu na ndai.

NINGPAWT NINGHPANG 46:28

Shanhte du shang wa ai shaloi, Goshen mung e shanhte hpe sa tau la na matu Yosep hpe sa hkrum la na nga, Yaku gaw shi a shawng e Yuda hpe shangun dat wu ai.

HEBRE 2:11

Yesu gaw masha ni hpe shanhte a yubak mara ni kaw na shachyoi shapra la mu ai. shi hte rau shachyoi shapra la hkrum sai ni yawng gaw Kawa langai sha lu nna shanhte hpe hpu nau ni ngu na shi n kaya wu ai.

PRU MAT 9:26

Israela amyu masha ni shanu nga ai Goshen ginwang hta chyu sha sin marang n hkrat nga ai.

PRU MAT 8:22

Rai ti mung, nye a amyu masha ni shanu nga ai Goshen mung hta chyawm gaw hti shangam da na nngai; dai shara hta jinu hpa mung nga na ra ai n rai. Ndai amu hpe ngai galaw na nngai; Ngai Madu nan ndai mung hta amu galaw nga nngai hpe nanhte chye lu na myit dai.

NINGPAWT NINGHPANG 46:34

nanhte a jiwoi jiwa ni a prat kaw nna nanhte a prat du hkra, yam nga rem sha ai ni rai nga ga ai, ngu nna tsun na rai myit dai. Dai hku tsun yang sha, shi nanhte hpe Goshen mung e shanu shangun na ra ai,” ngu nna tsun wu ai. Egutu masha ni mahtang sagu bainam rem sha ai ni hte hpa mung n seng mayu nga ma ai majaw dai ga Yosep tsun wu ai.

NINGPAWT NINGHPANG 45:16

Yosep a kahpu kanau ni du sai shiga hkawhkam hkaw de hkrang shang wa ai shaloi, hkawhkam wa hte shi a du salang ni na sharawng nga ma ai.