NINGPAWT NINGHPANG 45:3 - Jinghpaw Common Language Bible 2009

³ Yosep gaw shi a kahpu kanau ni hpe, “Ngai gaw Yosep rai nga nngai; nye a wa naw hkrung nga a ni?,” ngu nna san wu ai. Rai ti mung shi a kahpu ni dai lam hpe na ma ai shaloi ga n lu htan mat ma ai hte grai hkrit gari mat ma ai.

Jinghpaw Hanson Version Bible

³ Yawsep gaw shi a kahpu kanau ni hpe mung, Ngai gaw Yawsep rai nga nngai; nye a wa naw hkrung nga a ni? Ngu mu ai. Kahpu kanau ni chyawm gaw, shi a man e hkrit mau mat ma ai majaw, ga n htan lu ma ai

NINGPAWT NINGHPANG 45:3 ပူးပေါင်းရင်းမြစ်များ

NINGPAWT NINGHPANG 37:20

Sa rit, ya chyawm gaw shi hpe sat kau nna, hkun hkraw ai hka htung langai ngai hta shi hpe kabai bang da gaw; matse labye dusat langai ngai mahtang shi hpe kawa sat kau nu ai, ngu nna anhte lu tsun na ga ai. Dai hpang shi a yup mang ni hpa tai na nu ai gaw, anhte mada yu ga,” ngu nna tsun hkat ma ai.

NINGPAWT NINGHPANG 42:21

Shanhte mung dai ga hpe myit hkrum ya mu ai rai nna, shanhte shada da mung, “Rai sa, anhte a kanau wa hpe anhte galaw kau ai amu ni a majaw ya, anhte nni nkri hkrum sha nga saga ai; shi a myit masin hta na ru yak tsin-yam tsindam kaba hpe anhte mu nna, karum la na matu shi hpyi nem ti mung, anhte n madat kau ya saga ai. Dai re ai majaw ya anhte ndai ru yak tsin-yam tsindam hkrum sha nga saga ai,” ngu nna tsun hkat ma ai.

NINGPAWT NINGHPANG 42:22

Rubin chyawm gaw, “Ma hpe n machyi shangun na matu, ngai tsun ni ai; rai ti mung, nanhte mahtang n madat ya myit dai. Shi a si hkrung si htan a matu, ya anhte ari jaw ai hkrum nga saga ai,” ngu nna tsun wu ai.

NINGPAWT NINGHPANG 43:27

Shi gaw shanhte a hkam kaja lam hpe san yu nhtawm, “Nanhte a kawa dingla a lam ngai hpe tsun dan yu manit dai-shi gara hku rai nga a ni? Shi naw hkrung nna hkam kaja nga a ni?,” ngu nna san wu ai.

YOBA 23:15

shi a man e ngai hkrit gari nga nngai.

YOBA 4:5

Ya chyawm gaw, nang ru yak tsin-yam tsindam hkrum na aten rai nga sai, nang gaw dai hpe hkrum kapa na matu nau wa sai kajawng nga ndai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MARKU 6:50

Shanhte shi hpe mu lu ma yang hkrit kahpra mat ma ai. Shaloi jang shi shanhte hpe ga shaga nna, “Ngwi pyaw nga myit ga!, ngai she rai nngai. Hkum hkrit myit!,” ngu mu ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

KASA 7:13

Lahkawng ngu na bai sa ai shaloi Yosep gaw shi kahpu kanau ni hpe shi a lam tsun hpaw dan wu ai rai nna, Egutu hkawhkam mung Yosep a bawsang ni a lam chye ya wu ai.

KASA 9:5

Shaloi shi gaw, “Madu e nang kadai rai nga n ta?,” ngu nna san wu yang, dai nsen gaw “Nang zingri zingrat ai Yesu rai nga nngai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!