NINGPAWT NINGHPANG 42:1 - Jinghpaw Common Language Bible 2009

¹ Egutu mung e nai mam nga ai hpe Yaku chye wu yang, shi gaw shi a shadang sha ni hpe, “Nanhte hpa majaw shada da sha yu hkat nga myit ni?

Jinghpaw Hanson Version Bible

¹ Ya Egutu mung e mam nga ai lam Yaku na wu ai. Dai rai nna Yaku gaw shi a kasha ni hpe, Hpa rai nanhte shada yu nga myit ta?

NINGPAWT NINGHPANG 42:1 ပူးပေါင်းရင်းမြစ်များ

NINGPAWT NINGHPANG 41:54

hku hku na sanit ning gaw du hpang wa ra ai. Dai rai nna mung shagu hkan e hku hku nga ma ti mung Egutu mung hta chyawm gaw lusha ni nga nga ai.

NINGPAWT NINGHPANG 41:57

Dai hkuwa gaw shara shagu hkan nachying laja nga ai majaw Yosep hpang de nai mam mari na nga, mung shagu na masha ni Egutu mung de du sa nga ma ai.

NINGPAWT NINGHPANG 42:2

Yu mu, Egutu mung e nai mam ni nga nga ai hpe ngai na nngai; anhte kyet si ai n hkrum u ga, dai mung de yu sa nna nai mam ni sa mari la masu,” ngu tsun wu ai.

1 HKAWHKAM 19:3

Elia gaw hkrit nga ai rai nna shi asak a matu hprawng gyem na nga, shi a shangun ma wa hpe woi let Yuda mung na Berasheba mare de sa mat wa ma ai. Dai yang e shangun ma wa hpe jahti tawn nhtawm,

EZRA 10:4

Dai amu galaw na, na a lit rai nga ai. Anhte gaw na a hpang hkan ai ni rai nga ga ai, dai majaw nang shawng sa nhtawm dai amu hpe galaw u,” ngu nna tsun wu ai.

PRU MAT 20:18

Amyu masha ni gaw mu ngoi ai hte pahtau ngoi garu ai nsen na nna myi hprap galam ai hte wan hkut hku ai bum hpe mu ma ai shaloi, shanhte hkrit gari mat ai hte tsan tsan e tsap nga ma ai.

PRU MAT 5:19

Shawng de shanhte galaw yu sai shadang hte maren shani shagu wut galaw ra ai nga nna tsun dat ai a majaw shanhte hta ruyak tsin-yam tsindam hkrum sha nga sai hpe dai salang ni dum chye wa ma ai.

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

KASA 7:12

Egutu mung e mam nga ai lam Yaku na wu yang anhte a aji daju ni rai nga ai shi a kasha ni hpe shawng na lang shangun dat wu ai.

GALATI 2:7

Shanhte ngai hpe hpaji ningnan jaw na malai Karai Kasang gaw Petru hpe matu gadoi hkam ai Yuda ni hpe dai Kabu Gara Shiga hkaw tsun na lit jaw ya sai hte maren ngai hpe mung matu gadoi n hkam ai maigan masha ni hpe hkaw tsun na lit ap ya sai lam shanhte mu chye ma ai.

YAWSHU 7:10

Dai Madu chyawm gaw Yawshu hpe, “Rawt u! Hpa majaw ga hta dai zawn rai galeng nga n ta?