NINGPAWT NINGHPANG 41:8 - Jinghpaw Common Language Bible 20098 Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai. အခန်းကိုကြည့်ပါ။Jinghpaw Hanson Version Bible8 Jahpawt rai jang Hpara-u gaw myit ru nna, Egutu mung na gumhpan ni mahkra hte hpaji byeng-ya rawng ai ni yawng hpe shaga la nhtawm, shanhte hpe shi a yup mang hkai dan wu ai: rai timung, Hpara-u hpe yup mang htai ya lu ai masha langai mi muk n nga ma ai. အခန်းကိုကြည့်ပါ။ |
NINGPAWT NINGHPANG 41:8
39 ပူးပေါင်းရင်းမြစ်များ
Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.
Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.
Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.
“Hkawhkam Nebuhkadneza gaw, “Da ndai gaw ngai mu ai yup mang rai nga ai. Ya chyawm gaw Belteshaza e, de a lachyum hpa rai nga ai gaw ngai hpe tsun dan e. Nye a hkawhkam wang na hpaji jaw masha ni kadai n lu tsun dan ti mung nang chyawm gaw chyoi pra ai karai ni a wenyi nang hta rawng nga ai majaw htai dan lu na ndai,” ngu nna tsun wu ai.
Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.
Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.
Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.
Epikuri lam hte Sto-i lam hkan ai hpaji sara ni nkau mi shi hte dangrang hkat ma ai. Nkau mi gaw, “Ndai chye shakawng ai du ladi masha wa hpa tsun shakut nga ai kun?,” nga nna san ma ai. Nkau mi gaw, “Maigan masha ni a hpara ni a lam tsun dan ai wa rai sam ai,” nga nna mung htan shajang ma ai, shanhte shing nga tsun ai gaw, Kasa Pawlu gaw Yesu Hkristu hte si ai kaw na bai hkrung rawt wa ai lam hkaw tsun nga ai majaw rai nga ai.
ကြော်ငြာတွေ