NINGPAWT NINGHPANG 4:9 - Jinghpaw Common Language Bible 2009

⁹ Dai Madu gaw Ka-in hpe, “Na a kanau Abela kanang rai nga a ta?,” ngu nna san wu ai. Shi mahtang, “Ngai n chye nngai. Ngai gaw nye a kanau wa hpe hkan lakawn ai wa zawn nawn nga n ni?,” ngu nna htan wu ai.

Jinghpaw Hanson Version Bible

⁹ Dai rai nna Yehowa gaw, “Na nnau Abela gaw kanang nga nga a ta?” Ngu nna Ka-in hpe san wu ai. Shi gaw, “Ngai n chye nngai; ngai gaw ngai nau wa hpe hkan sin ai wa rai nga a ni?” Ngu nna htan wu ai.

NINGPAWT NINGHPANG 4:9 ပူးပေါင်းရင်းမြစ်များ

NINGPAWT NINGHPANG 37:26

Yuda chyawm gaw shi a kahpu ni hpe, “Anhte a kanau wa hpe sat kau nna dai sai kap ai amu hpe magap da ai rai yang, anhte hta hpa akyu hkam la lu na rai nga ga ta?

NINGPAWT NINGHPANG 37:32

Shanhte gaw dai palawng hpe shanhte a kawa hpang de la wa nhtawm, “Ndai hpe anhte mu ga ai; na nsha a palawng wa n rai a ni?,” ngu nna tsun mu ai.

NINGPAWT NINGHPANG 4:10

Dai hpang dai Madu gaw, “Nang hpa rai ndai hkrit hpa amu hpe galaw kau nu ni? Na a kanau a asai gaw matai htang ya na matu shaga ai nsen zawn aga kaw nna ngai hpang de jahtau nga ai.

SHAKAWN KUNGDAWN 9:12

Karai Kasang gaw nni nkri hkrum sha ai ni hpe dum nga nna; shanhte a hpyi jahtau ai nsen hpe shi malap kau nga ai n rai, shi gaw shanhte hpe shut hpyit ai ni hpe, ari jaw nga ai.

SHAKAWN KUNGDAWN 9:13

Madu e, ngai hpe matsan dum la e law! Nye a gumlau hpyen ni ngai hpe jahkrum ai nni nkri lam ni hpe mu ya e! Madu e, si hkrung si htan kaw nna ngai hpe mawai la e,

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.