NINGPAWT NINGHPANG 4:8 - Jinghpaw Common Language Bible 2009

⁸ Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

Jinghpaw Hanson Version Bible

⁸ Dai hpang Ka-in gaw shi a kanau Abela hte shaga nga ai; lang mi na shan gaw pa hkan e nga ma ai shaloi, Ka-in gaw kanau wa Abela hpang de rawt nna, shi hpe sat kau wu ai.

NINGPAWT NINGHPANG 4:8 ပူးပေါင်းရင်းမြစ်များ

NINGPAWT NINGHPANG 4:25

Adam hte shi a madu jan hta kaga shadang sha bai lu ma ai. Madu jan gaw, “Karai Kasang gaw Ka-in e sat kau ai Abela a shara hta shadang sha langai jaw ni ai,” ngu nna tsun wu ai. Dai rai nna shi hpe Shet ngu nna shamying wu ai.

2 SAMUELA 14:6

Madu e, ngai shadang sha lahkawng lu nngai; lani mi na aten hta shan hpe je la na masha kadai n nga ai pa hkan e ga law ningdang hkat nna gasat hkat ma ai; shaloi langai wa mi gaw kaga langai wa hpe sat kau wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

2 HKAWHKAM LABAU 21:4

Yehoram gaw mungdan hpe ngang ngang up hkang da lu jang kanau ni yawng hte Israela du salang nkau mi hpe sat kau wu ai.

NEHEMIA 6:2

Dai rai nna Sanbalat hte Geshem yan gaw ngai hpang de shiga shana dat nna, shanhte hte ngai Ono pa layang na kahtawng langai ngai hta hkrum hkat na lam hpaji jaw dat ma ai. Dai gaw ngai hpe machyi shangun na matu maw mawn shakut ai shanhte a maw lanyet langai mi rai nga ai.

YOBA 11:15

dai hpang, mungkan de myi man bai yawng let, ngang ngang tsap nna nden marai rawng nga u.

SHAKAWN KUNGDAWN 139:19

Karai Kasang e, n hkru n shawp ai ni hpe nang sat kau na, ngai kade wa ra nga a hka! Kasu kabrawng shabyin ai masha ni, ngai kaw nna pru mat wa na hpe, ngai kade wa ra nga a hka!

SHAKAWN KUNGDAWN 36:3

Shi a tsun shaga ai ga gaw n hkru n shawp ai hte masu magaw ga ni hte hpring nga ai; hpaji rawng ai lam hte mai kaja ai lam hpe shi kachyi mi mung n galaw nga ai.

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

MIHKA 7:6

Ndai prat aten hta, kasha ni gaw shanhte a kawa ni hpe angawk mana ni hpe zawn galaw na mara ai, shayi sha ni gaw shanhte a kanu ni hpe ninghkap na ra ai, kanam ni gaw shanhte a kamoi ni hte ga law ga la rai na ra ai; nanhte a gumlau hpyen ni gaw nanhte a dinghku masha ni kaw na rai ma ai.

BU HKAWM 35:20

“Masha langai mi mahtang marai langai ngai hpe n ju n dawng nna kanawng jahkrat ai hku sat kau ai rai yang rai, asak gyam nna arai lama ma hte kabai sat ai rai yang rai,

MAHTE 23:35

Shing re ai a majaw, mara n kap ai Abela a asai kaw nna, dai Nawku Htingnu hte tawn hkungri lapran e nanhte sat kau ai Barahkia a kasha Zehkaria a asai du hkra nanhte bunglat ari hkrum na marin dai.

LUKA 11:51

Abela hpe sat kau ai kaw nna tawn hkungri hte Chyoi pra ai Shara lapran sat kau hkrum ai Zahkaria du hkra, rai sa ngai nanhte hpe tsun made ga, dai ni yawng a bunglat gaw, ndai prat na amyu ni hpe shagun lu na rai nga ai.

LUKA 22:48

Rai ti mung, Yesu gaw, “Yuda e, kalang mi pup ai hte Masha Kasha hpe ap kau n ni?,” ngu nna shi hpe tsun wu ai.

HEBRE 11:4

Kam sham ai hte Abela gaw Ka-in a hkungga hta grau kaja ai hkungga hpe nawng ya sai. Shi a makam masham hpe tau yu nna shi hpe ding hpring ai masha wa ngu nna Karai Kasang e hkap la ya ai hpe hkam la lu nu ai, hpa majaw nga yang, shi nawng ya ai kumhpa ni hpe Karai Kasang shi nan sharawng awng ya wu ai majaw rai nga ai. Abela si mat sai rai ti mung, shi a makam masham a majaw ya du hkra shi ga naw ashaga nga ai.

HEBRE 12:24

Nanhte gaw, Ga Shaka Ningnan hpe gaw lajang da ya ai Yesu hpang de mung, Abela a sai hta grau kaja ai ga sadi ni ngu ai lapri bun ai asai hpang de mung, du nga manit dai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.