NINGPAWT NINGHPANG 4:5 - Jinghpaw Common Language Bible 2009

⁵ rai ti mung shi gaw Ka-in hte shi a hkungga hpe hpa n sawn ya wu ai. Ka-in masin ja ja kahtet ai hte pawt sindawng nga lu ai.

Jinghpaw Hanson Version Bible

⁵ Ka-in hte shi a hkungga hpe chyawm gaw shi sawn ya wu ai n rai. Dai rai nna Ka-in gaw ja ja pawt bu ai hte myi man sum nga lu ai.

NINGPAWT NINGHPANG 4:5 ပူးပေါင်းရင်းမြစ်များ

NINGPAWT NINGHPANG 31:2

Laban gaw shawng de na zawn hku lahkun n rai mat sai hpe mung shi mu wu ai.

NINGPAWT NINGHPANG 31:5

Shi gaw shan hpe, “Nan a nwa gaw ngai hpe shawoi na zawn hku lahkun n rai nga ai hpe ngai mu mada ni ai; rai ti mung, nye wa a Karai Kasang chyawm gaw ngai hte rau nga nga li ai.

NINGPAWT NINGHPANG 39:19

Yosep a madu chyawm gaw ja ja masin pawt wu ai rai nna, Yosep hpe rim nhtawm,

YOBA 15:13

Nang gaw Karai Kasang hpe masin pawt nna, shi hpe jahpoi nga ndai.

YOBA 5:2

Nang hkrai si hkra myit ru myit tsang nga ai gaw angawk shangun ai hte htauli htaula myit n rawng ai sha amu galaw ai lam rai nga ai.

SHAKAWN KUNGDAWN 20:3

Na a nawng jau ai hkungga ni yawng hte hpe shi hkap la u ga; na a shagu hkungga yawng hte hpe mung ra sharawng nga u ga.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

GA SHAGAWP 29:10

Sai gara ai masha ni gaw myit malang ai kadai hpe mung n ju n dawng nga ai; rai ti mung, myit malang ai masha wa chyawm gaw dai zawn re ai wa a asak hpe makawp maga ya na ra ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

MAHTE 20:15

Ngai madu ai gumhpraw hpe ngai di mayu ai hte maren di lu na ahkang nga ai n rai ni? Ngai myit mai ai majaw nang manawn nga nni?,’” ngu nna htan wu ai.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

HEBRE 11:4

Kam sham ai hte Abela gaw Ka-in a hkungga hta grau kaja ai hkungga hpe nawng ya sai. Shi a makam masham hpe tau yu nna shi hpe ding hpring ai masha wa ngu nna Karai Kasang e hkap la ya ai hpe hkam la lu nu ai, hpa majaw nga yang, shi nawng ya ai kumhpa ni hpe Karai Kasang shi nan sharawng awng ya wu ai majaw rai nga ai. Abela si mat sai rai ti mung, shi a makam masham a majaw ya du hkra shi ga naw ashaga nga ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.