NINGPAWT NINGHPANG 4:4 - Jinghpaw Common Language Bible 2009

⁴ Dai hpang Abela mung shi a sagu hpung hta na shawng hkrat ai sagu kasha hpe la sa nhtawm dai hpe sat nna, dai ni hta na grau tsawm ai daw hpe hkungga nawng jau ya na hkungga a matu jaw ya wu ai. Dai Madu gaw Abela hte shi a hkungga hpe awng sharawng ya wu ai;

Jinghpaw Hanson Version Bible

⁴ Abela mung, shi a sagu hpung hta shawng hkrat ai ni hta na mung, dai ni hta na asau mung, la sa wu ai. Yehowa gaw Abela hte shi a hkungga hpe sawn ya wu ai.

NINGPAWT NINGHPANG 4:4 ပူးပေါင်းရင်းမြစ်များ

NINGPAWT NINGHPANG 15:17

Jan shang mat nna nsin htat nga ai shaloi, wan hkut hku ai wan mang hte wan tu ai shanan gaw akajawng sha dan pru nna shan hkyep ni a lapran hku lai mat wa ai.

NINGPAWT NINGHPANG 4:3

Aten ram ram na ai hpang, Ka-in gaw dai Madu hpe hkungga nawng jau na matu shi a nsi naisi nkau mi la sa nna dai hpe jaw wu ai.

1 HKAWHKAM 18:24

Dai hpang Bala myihtoi ni mung shanhte a karai hpe hpyi mu ga; ngai mung dai Madu kaw hpyi na we ai; shing rai wan dat dat nna mahtai jaw ai wa mahtang, Karai Kasang rai nga u ga,” ngu nna tsun wu ai. Shaloi amyu masha ni mung na sharawng ai hte jahtau garu ma ai.

1 HKAWHKAM 18:38

Dai Madu gaw wan hpe jahkrat dat nhtawm shagu hkungga mung, hpun mung, nlung ni mung hkru kau ai hte aga hpe kahtet kang shangun nna hka lawng kata na hka hpe mung jahkyet kau wu ai.

1 HKAWHKAM LABAU 21:26

Dai yang e, dai Madu a matu tawn hkungri langai galaw nna wan nat hkungga hte mahku hkungga ni hpe nawng jau ya wu ai. Dai Madu mung sumsing lamu kaw nna wan jahkrat dat nhtawm hkungri ntsa na shagu hkungga ni hpe hkru kau ya let, shi a akyu hpyi ga hpe htan ya wu ai.

2 HKAWHKAM LABAU 7:1

Hkawhkam Shawlumon akyu hpyi ngut jang, sumsing lamu de na wan hkrat wa nhtawm nawng jau da ai shagu hkungga ni hpe hkru kau wu ai; shing rai Nawku Htingnu hta dai Madu a htoi tu ai hpung shingkang hte hpring nga ai.

SHAKAWN KUNGDAWN 20:3

Na a nawng jau ai hkungga ni yawng hte hpe shi hkap la u ga; na a shagu hkungga yawng hte hpe mung ra sharawng nga u ga.

PRU MAT 13:12

Shi gaw dai mung hpe jaw ya ai shaloi, shawng shangai ai lasha alat hte shawng hkrat ai yam nga alat shagu gaw dai Madu a matu nanhte nawng jau ya lu na rai myit dai; nanhte kaw na shawng hkrat ai yam nga ala shagu gaw dai Madu a matu rai nga ai,

GA SHAGAWP 3:9

Na a lamu ga hta na pru ai sut gan yawng mayawng hta na kaja htum ai ni hpe hkungga shatai nna, dai Madu hpe shagrau sha-a u.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

BU HKAWM 16:35

Dai hpang dai Madu gaw wan shachyi dat nna manam pyaw ai baw hpe nawng jau ai masha 250 hte hpe hkru kau nga ai.

BU HKAWM 18:12

“Israela amyu masha ni ngai hpe shaning shagu jaw jau ai shawng ngai ai nsi naisi a kaja htum ai tsanlun sau, sabyi ntsin hte nai mam ngai nang hpe jaw nga nngai.

BU HKAWM 18:17

Rai ti mung, sagu, bainam alat ni hpe chyawm gaw mari shaw la lu na myit dai n rai; dai ni gaw ngai hte tsep kawp seng nga ai rai nna ngai hpe shagu hkungga hku nawng ya na rai myit dai. Dai ni a asai hpe tawn hkungri hta lapri bun nhtawm sau man hpe mung nye a matu manam pyaw ai sangau shatai na lusha hkungga hku nat nawng na rai myit dai.

HEBRE 11:4

Kam sham ai hte Abela gaw Ka-in a hkungga hta grau kaja ai hkungga hpe nawng ya sai. Shi a makam masham hpe tau yu nna shi hpe ding hpring ai masha wa ngu nna Karai Kasang e hkap la ya ai hpe hkam la lu nu ai, hpa majaw nga yang, shi nawng ya ai kumhpa ni hpe Karai Kasang shi nan sharawng awng ya wu ai majaw rai nga ai. Abela si mat sai rai ti mung, shi a makam masham a majaw ya du hkra shi ga naw ashaga nga ai.

HEBRE 9:22

Jep ai Tara hte maren nga yang, arai yawng ganoi mahkra hpe asai hte jasan jaseng kau lu nga ai rai nna, asai ru hkaw yang sha yubak mara ni hpe raw dat kau ya nga ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

TARA AGYI 6:21

Dai hpang dai Madu a lamu kasa mung shi lang nga ai dawhkrawng ladawn nna de a matu hte ashan hte amuk hpe chyan ahtawk dat wu yang, nlung kaw na wan pru wa nhtawm dai ashan hte muk hpe hkru kau nga ai. Dai hpang lamu kasa mung shi kaw na wa mat wa wu ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.