NINGPAWT NINGHPANG 39:9 - Jinghpaw Common Language Bible 2009

⁹ Ndai nta hta shi lu ai daru magam ahkang aya zawn ngai mung lu nngai. Nang hta kaga hpa mung ngai hpe shi hkum shingdang da ai n rai; dai re ai mi, dai zawn n hkru ai amu hte Karai Kasang hpe ngai kaning di shut hpyit lu na rai nga a ta?,” ngu nna tsun wu ai.

Jinghpaw Hanson Version Bible

⁹ ndai nta e ngai hta grau kaba ai kadai mung n nga ai; nang hta kaga hpa mung ngai hpe hkum ai n rai; nang gaw shi a madu jan she rai ndai: dai rai nna dai n hkru ai amu kaba hte Karai Kasang a man e ngai kaning rai shut hpyit lu na rai ta? ngu nna tsun wu ai.

NINGPAWT NINGHPANG 39:9 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

NINGPAWT NINGHPANG 20:3

Karai Kasang chyawm gaw lana mi na aten hta, yup mang hte shi kaw dan pru nna, “Masha e la da sai ndai num hpe nang woi la nit dai majaw, nang si na rin dai,” ngu nna tsun wu ai.

NINGPAWT NINGHPANG 20:6

Dai yup mang hta Karai Kasang gaw, “Rai sa, san seng ai myit hte ndai lam nang galaw ndai hpe ngai chye nngai; dai rai nna ngai hpe nang yubak galaw na kaw nna nang hpe ban shadang ai hte shi hpe n hkra shangun nngai.

NINGPAWT NINGHPANG 20:9

Dai hpang Abimelek gaw Abraham hpe shaga la nna, “Nang anhte hpe hpa di nit ta? Nang hpe ngai hpa shut ai a majaw ngai hte nye a mungdan hta ndai tsin-yam tsindam hpe du shangun nga n ni? Kadai mung n galaw ging ai amu nang ngai hpe galaw kau nit dai.

NINGPAWT NINGHPANG 24:2

Abraham gaw nta na shi lu ai sut rai mahkra hpe up ai asak kaba ai shi a shangun ma wa hpe shaga la nhtawm,

NINGPAWT NINGHPANG 39:10

Shi gaw Yosep hpe shani shagu tsun wu ti mung, shi hte rau yup wu ai n rai.

NINGPAWT NINGHPANG 41:40

Ngai gaw nang hpe nye a mungdan ting a ntsa na mung du shatai na nngai; nye a amyu masha ni yawng na a hkang da ai ga ni hpe madat mara na mara ai. Na a ahkang aya mung nye a lawu hprut hta agrin nga lu na rin dai.

NINGPAWT NINGHPANG 42:18

Masum ya du ai shani hta Yosep gaw shanhte hpe, “Ngai gaw Karai Kasang hpe hkrit kamyin ai wa rai nga nngai. Dai rai nna mabyin lam langai mi a ntsa hta ngai nanhte a asak hpe jahkrung da ya na made ai rai nna ning di mu:

2 SAMUELA 11:27

Batsheba sharung shayawt ai ladaw lai jang, Dawi gaw masha shangun dat nna hkawhkam hkaw de shi hpe shaga la wu ai. Shi mung Dawi a madu jan tai ai hte shi a matu shadang sha langai shangai ya wu ai. Rai ti mung dai Madu chyawm gaw Dawi galaw kau nu ai amu hpe n yu sharawng nga wu ai.

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

NEHEMIA 6:11

Ngai gaw, “Ngai gaw dai zawn hprawng makoi ai baw masha n rai nngai. Nye a asak hpe Nawku Htingnu kata hta makoi let hkye mawai la shakut na zawn nang myit nawn da wu ni? Ngai gaw dai zawn n galaw na nngai,” ngu nna htan wu ai.

YOBA 31:23

Karai Kasang a ari hpe ngai hkrit ai majaw, dai zawn re ai amu ngai galoi mung galaw lu nngai n rai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

PRU MAT 20:14

“Num shaw la shaw amu hkum shut et.

GA SHAGAWP 6:29

Dai amu hpe galaw ai wa gaw masha jan shaw ai wa zawn hkrithpa rai nga ai hte; dai hpe galaw ai wa kadai mung nni nkri hkrum sha na ra ai.

GA SHAGAWP 6:32

Rai ti mung, masha jan shaw ai wa chyawm gaw myit yu ai lam n nga nga ai; dai gaw shi hkum hpe jahten sharun kau na matu chyu sha rai nga ai.

HPAJI NINGLI 7:26

Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.

YEREMIA 28:16

Dai rai nna, nang gaw dai Madu hpe gumlau na matu amyu masha ni hpe tsun nit dai majaw, shi gaw nang hpe dawm kau na ra ai; dai ning na shaning garai n htum yang, nang si na ndai ngu nna dai Madu shi nan tsun sai,” ngu wu ai.

YEREMIA 50:7

Shanhte hpe mu ai ni yawng gaw shanhte hpe gasat kau nga ma ai. Shanhte a gumlau hpyen ni gaw, ‘Shanhte gaw dai Madu hpe yubak galaw shut kau manu ai, dai rai nna anhte galaw kau ai amu gaw shut ai n rai. Shanhte a kaji kawa ni gaw dai Madu hpe kam hpa ma ai, shanhte hkum nan mung shi hta sadi dung nga ang ma ai,’ ngu nna tsun ma ai.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

JAW JAU 6:2

Marai langai ngai gaw Israela manang wa ap da ai arai nhtang ap ya na ningdang kau let, shi kaw na arai lama ma lagu la ai, mawp sha ai,

BU HKAWM 32:23

Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.

LUKA 12:48

Rai ti mung, tinang a madu hpa baw ra ai hpe n chye ai sha, anu kayat ging ai amu galaw ai shangun ma hpe gaw, loi mi sha anu kayat ai hkrum na ra ai. Chyeju galaw ai lam law law hkam la ai wa kaw na, law law hpyi na ra ai; grau nna kam ai hte ap ya da hkrum ai wa kaw na grau law hkra bai hpyi na ra ai.

1 KORINHTU 4:2

Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

TITU 2:10

lagu masun la ai baw n galaw mu ga. Shing rai na malai, shanhte gaw galoi mung kaja reng ai hte kangka sadi dung ai ni re ai lam madun dan lu na rai ma ai. Ndai lai ladat hku nna, shanhte gaw tinang galaw ai lam nga manga hta anhte a hkye hkrang la ai Karai Kasang a mungga a ningja hpe shapraw shadan dan lu na rai ma ai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

1 YAWHAN 3:9

Karai Kasang a kashu kasha tai sai wa gaw matut nna yubak n galaw ai, hpa majaw nga yang, dai wa hta Karai Kasang a nli ngu ai asak jaw lu ai atsam rawng nga ai. Shi gaw Karai Kasang a kashu kasha rai nga ai majaw, yubak n galaw shanang lu ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.