NINGPAWT NINGHPANG 39:3 - Jinghpaw Common Language Bible 2009

³ Yosep gaw Egutu masha shi a madu a nta hta nga wu ai. Shi galaw ai lam shagu mung shi hpe awng dang shangun ai dai Madu gaw Yosep hte rau nga nga ai hpe mu wu ai.

Jinghpaw Hanson Version Bible

³ Yehowa shi hte rau nga ai rai nna, shi galaw ai amu yawng mayawng hta, Yehowa sha-awng ya wu ai gaw, shi a madu mu ya wu ai.

NINGPAWT NINGHPANG 39:3 ပူးပေါင်းရင်းမြစ်များ

NINGPAWT NINGHPANG 21:20

Karai Kasang mung dai ma hte rau rai nga nna, shi galu kaba wa ai hte Hparan nam mali e nga nga let kung kyang ai jaugawng langai mi tai wa nu ai.

NINGPAWT NINGHPANG 21:22

Dai aten hte yang, Abimelek gaw shi a hpyen du Hpikola hte rau sa nna Abraham hpe, “Nang galaw ai lam shagu hta Karai Kasang nang hte rau nga nga ai.

NINGPAWT NINGHPANG 21:23

Dai rai nna ngai hpe mung, nye a kashu kasha ni hte matu mara ni hpe mung, nang n masu hkalem kau ai sha, na a ntsa e ngai sadi dung lai wa ai zawn nang mung nye a ntsa hte ya nang shanu nga ai ndai mung a ntsa e mung, sadi dung nga na ga sadi ndai shara Karai Kasang a man e dagam da e,” ngu nna tsun wu ai.

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 26:28

Shanhte gaw, “Dai Madu nang hte rau nga nga ai hpe ya anhte chye saga ai. Dai majaw anhte a lapran hta dagam ai myit hkrum ga shaka langai mi tawn da na lam anhte myit lu ga ai.

NINGPAWT NINGHPANG 30:27

Laban gaw shi hpe, “Ndai lam ngai naw tsun yu n ga; na a majaw dai Madu ngai hpe shaman ya ni ai gaw wenyi a n-gun atsam a jaw e ngai dum chye ni ai.

NINGPAWT NINGHPANG 30:30

Ngai garai n du yang, na a sut gan loi sha mi she rai nga lit dai. Ya chyawm gaw manu mana jat wa nit dai. Ngai du ai shara shagu hta dai Madu nang hpe shaman ya nit dai. Ya chyawm gaw nye a sut gan amyat shachyip la na aten mung rai nga sali ai,” ngu nna htan wu ai.

NINGPAWT NINGHPANG 39:2

Dai Madu gaw Yosep hte rau nga nga ai rai nna shi hpe awng dang shangun wu ai.

NINGPAWT NINGHPANG 39:21

Rai ti mung dai Madu gaw Yosep hte rau rai nga ai majaw shi hpe shaman ya wu ai; htawng agyi wa mung shi hpe ra sharawng nga wu ai.

NINGPAWT NINGHPANG 39:23

Dai Madu gaw Yosep hte rau rai nga nna shi galaw ai amu shagu hta shi hpe awng dang shangun wu ai majaw htawng agyi wa gaw Yosep hte seng ai amu langai mi mung hkan yu ra wu ai n rai.

2 HKAWHKAM 18:7

Dai re ai majaw, dai Madu gaw shi hte rau nga nga ai rai nna shi galaw ai lam shagu hta awng dang hkrat hkrang nga wu ai. Shi gaw Asuri hkawseng wa hpe gumlau wu ai rai nna shi hpe hkungga lara na lam ningdang kau ya wu ai.

1 HKAWHKAM LABAU 22:13

Dai Madu gaw Israela amyu ni a matu Mawshe hpe jaw ya sai tara ni yawng hpe nang madat mara ndai rai yang, nang hta awng dang ai lam hkam la lu na ndai. Myit jahkut daw dan nna kam hpa nga u. Hpa lam mung nang hpe n hkrit shangun nga u ga.

1 HKAWHKAM LABAU 9:20

Eleaza a kasha Hpineha gaw lai sai aten shanhte hpe woi up lai wa sai-dai Madu gaw shi hte rau anga nga u ga law!

2 HKAWHKAM LABAU 1:1

Hkawhkam Dawi a kasha Shawlumon gaw Israela mungdan hpe ngang ngang jum da lu nu ai. Dai Madu shi a Karai Kasang mung shi hpe shaman ya let daru magam n-gun grai shaja da ya nga ai.

2 HKAWHKAM LABAU 26:5

Nawku htung hte seng nna shi hpe hpaji jaw ai Zehkaria ahkrung nga dingsa dai Madu hpe sadi sahka hte daw jau wu ai rai nna Karai Kasang shi hpe shaman ya wu ai.

NEHEMIA 2:20

Ngai gaw, “Sumsing lamu a Karai Kasang gaw anhte hpe awng dang ai lam jaw ya na ra ai. Anhte gaw shi a shangun ma ni rai nga ga ai. Ndai gaw gap ai amu hpe anhte galaw hpang wa na saga ai. Rai ti mung nanhte mahtang Yerusalem hta sut gan madu la na ahkaw ahkang n lu myit dai. De a sali wunli kumhtaw hpa mung nanhte lu ai n rai,” ngu nna htan we ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

TARA JAHPRANG 2:7

“Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

1 SAMUELA 18:14

dai Madu shi hte rau nga nga ai majaw shi galaw ai amu yawng mayawng awng dang nga ai.

1 SAMUELA 18:28

Shawlu chyawm gaw dai Madu Dawi hte rau rai nga ai mung, shi a shayi sha Mihkala shi hpe tsaw ra nga ai mung, asan sha dum chye da wu ai.

1 SAMUELA 3:19

Samuela kaba wa sai rai nna, dai Madu gaw shi hte rau rai nga ai; Samuela tsun ai lam teng nga ai rai nna lam magup hpe galaw ya wu ai.