NINGPAWT NINGHPANG 39:1 - Jinghpaw Common Language Bible 2009

¹ Ya Ishmaela masha ni Yosep hpe Egutu mung de woi hkrat wa nhtawm hkawhkam wa a mung bawng du salang ni hta na hkawhkam wang hpe sin ai sin langa ni a du Hputihpa hpe dut ya mu ai.

Jinghpaw Hanson Version Bible

¹ Shaloi Yawsep hpe Egutu mung de woi hkrat wa mu ai; dai de shi hpe woi hkrat wa ai Ishmaela masha ni a lata na, Hpara-u a bu, sin langa ni a agyi, Egutu masha Hputihpa e shi hpe mari la wu ai.

NINGPAWT NINGHPANG 39:1 ပူးပေါင်းရင်းမြစ်များ

NINGPAWT NINGHPANG 37:25

Shanhte shat sha nga ma yang, Gilead mung kaw nna Egutu mung de bu hkawm sa wa ai Ishmaela masha wuhpung ni hpe shanhte akajawng mu dat ma ai. Shanhte a gawla-uk ni hta manam pyaw ai namji namya, hpun naw hte mura ni hpe htaw nga ma ai.

NINGPAWT NINGHPANG 37:28

Midian hpaga masha nkau mi lai sa wa nga yang, kahpu kanau ni mung dai hka htung kata na gang shaw shapraw nhtawm Ishmaela masha ni hpe gumhpraw hkun hte dut kau dat ya mu ai. Shanhte mung shi hpe woi nna Egutu mung de woi mat wa ma ai.

NINGPAWT NINGHPANG 37:36

Dai aten hta Midian masha ni gaw Yosep hpe Egutu mung na hkawhkam wa a du salang rai nga ai hkaw wang na sin langa ni a du Hputihpa hpe dut ya kau mu ai.

NINGPAWT NINGHPANG 40:3

Yosep hpe sharen da ai dai sin langa ni a du wa a nta na htawng hta e shan hpe sharen da mu ai.

NINGPAWT NINGHPANG 45:4

Dai hpang Yosep gaw shanhte hpe, “Chyeju hte sit sa wa marit,” ngu nna tsun wu yang, shanhte mung shi a makau de sit sa wa ma ai. Shi gaw, “Ngai gaw nanhte Egutu mung de dut kau hkrum ai nanhte a kanau Yosep rai nga nngai.

SHAKAWN KUNGDAWN 105:17

Rai ti mung, shi gaw shanhte a shawng e mayam hku nna, dut kau hkrum ai Yosep ngu ai masha langai mi shangun dat wu ai.

KASA 7:9

“Yaku a kasha ni gaw shanhte a kanau Yosep hpe manawn nna, Egutu mung de mayam hku dut kau dat mu ai. Rai ti mung Karai Kasang gaw shi hte rau rai nga ai rai nna,