NINGPAWT NINGHPANG 38:9 - Jinghpaw Common Language Bible 2009

⁹ Rai ti mung kashu kasha ni hpe shi madu lu na n rai nga ai hpe Onan chye wu ai rai nna shi kahpu a kashu kasha matu ni n dawng wa u ga, kahpu a gaida jan hte kanawn ai aten hta shi a azu hpe ga de jahkaw wu ai.

Jinghpaw Hanson Version Bible

⁹ Onan chyawm gaw kasha lu jang, shi a kasha ngu na n re ai chye nna, kahpu a matu mara n shapraw ya mayu ai majaw, kahpu a madu jan kaw shang yang, ga de dingsa jahkaw kau wu ai.

NINGPAWT NINGHPANG 38:9 ပူးပေါင်းရင်းမြစ်များ

NINGPAWT NINGHPANG 38:10

Shi galaw ai lam hpe dai Madu n ra sharawng wu ai majaw shi hpe mung sat kau wu ai.

YOBA 5:2

Nang hkrai si hkra myit ru myit tsang nga ai gaw angawk shangun ai hte htauli htaula myit n rawng ai sha amu galaw ai lam rai nga ai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

TARA JAHPRANG 25:5

“Dinghku sut gan langai hta jawm shanu ai hpu nau lahkawng hta na langai wa mi, matu mara n nga ai si mat yang, shi a gaida jan hpe dinghku kaga na masha wa hte hkungran lu na n rai; si mat sai wa a kanau wa mahtang hkungran la na lit nga nga ai.

TARA JAHPRANG 25:6

Israela amyu hta kahpu a amyu matu matut grin nga hkra, shawng shangai ai shadang sha gaw si mat sai wa a kasha rai nga ai ngu nna myit nawn la na rai nga ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

YAKU 3:14

Rai ti mung nanhte a myit hta e, manawn masham ai myit, myit machyi ai, tinang akyu tam ai myit rawng ai rai yang nanhte a hpaji byeng-ya rawng dum nna grang gumrawng ai hte dai teng man ai lam hpe shut kau ai mara hkum galaw myit.

YAKU 3:16

Manawn masham ai myit, tinang a akyu tam ai myit nga ai shara kaw kashuk kashak n ru n ra re ai lam hte n hkru n kaja ai lam amyu myu hpe mung byin pru shangun nga ai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

RUHTA 1:11

Naomi gaw, “Ngai nam yan e, nan nhtang wa lu na rai myit dai,” ngu nna htan wu ai. Shi gaw, “Nan ngai kaw hpa majaw hkan nang mayu myit ni? Nan a madu wa tai ya na matu, ngai kasha bai lu ya lu na re ngu nan myit lu nga myit ni?

RUHTA 4:10

Dai hta kaga, Malon a gaida jan, Moba amyu shayi Ruhta mung, nye a madu jan rai sai. Dai lam gaw si mat sai masha wa a dinghku na sut gan arung arai hte shi a dinghku matu mara ni shi a mare hte amyu masha ni a lapran matut htuk shachyaw na lam rai nga ai. Dai ni, nanhte gaw ndai lam yawng a sakse ni rai nga manit dai,” ngu nna tsun wu ai.