NINGPAWT NINGHPANG 38:23 - Jinghpaw Common Language Bible 2009

²³ Yuda gaw, “Ngai shi hpe jaw shakut ti mung, nang shi hpe n mu tam nit dai majaw, an hpe masha ni e mani asawng kau na hpe n ra nga ga ai hte maren, arai dai ni hpe shi la kau sanu ga,” ngu nna tsun wu ai.

Jinghpaw Hanson Version Bible

²³ Shaloi Yuda gaw, Dai bainam kasha ngai nang hpe ya dat se ai mi, nang shi hpe n mu tam sai gaw, an kaya n hkrum na matu arai dai gaw shi a la kau nu ga, ngu wu ai.

NINGPAWT NINGHPANG 38:23 ပူးပေါင်းရင်းမြစ်များ

NINGPAWT NINGHPANG 38:22

Shi gaw Yuda hpang de bai wa nna, “Ngai dai num hpe n lu tam nngai. Dai yang na lasha ni mung, ndai yang e shawa num galoi mung n nga yu ai,” ngu nna tsun mu ai.

NINGPAWT NINGHPANG 38:24

Shata masum daram na ai hpang, marai langai mi gaw Yuda hpe, “Na a kanam Htama gaw shawa num zawn hpye hkawm nna, ya na-um nasin rai nga wu ai,” ngu nna tsun dan wu ai. Yuda gaw, “Shi hpe woi shapraw la nhtawm wan nat sat kau mu,” ngu nna hkang dat wu ai.

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

GA SHAGAWP 6:33

Shi gaw arawng jahpoi hkrum ai hte anu kayat ai hkrum na ra ai; shi gaw shaprai kau n lu mat hkra, kaya kahpa hkrum na ra ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

EHPESU 5:12

(Hpa majaw nga yang, shanhte mayun mayoi e galaw ai amu ni gaw kaja wa tsun na pyi gaw nachying kaya kahpa rai nga ai.)

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”