NINGPAWT NINGHPANG 38:2 - Jinghpaw Common Language Bible 2009

² Dai yang e, Shua mying ai Hkanani masha langai mi a shayi sha hpe sa hkrum nna shi hpe la kau wu ai.

Jinghpaw Hanson Version Bible

² Dai yang e Shua mying ai Hkanani masha langai mi a shayi sha hpe Yuda mu nna, shi hpe la nhtawm shi kaw shang nga ai.

NINGPAWT NINGHPANG 38:2 ပူးပေါင်းရင်းမြစ်များ

NINGPAWT NINGHPANG 24:3

“Na a lata nye a magyi lapran hta bang nna dagam ru. Ngai sha a matu ningrum ningtau langai ndai Hkanan mung na shayi sha ni hpe n lata hkrup lit ga, sumsing lamu hte ginding aga a Madu Karai Kasang a mying nsang hta ngai nang hpe dagam shangun mayu nngai.

NINGPAWT NINGHPANG 28:1

Isak gaw Yaku hpe shaga la ai hte shaman ya nna, “Hkanan numsha langai mi hpe mung hkum la et.

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

NINGPAWT NINGHPANG 34:2

Dai mung hpe up ai Hiwi amyu masha Hamura a kasha Shehkem gaw shi hpe mu nna, woi wa nhtawm roi kau wu ai.

NINGPAWT NINGHPANG 46:12

Yuda hte shi a shadang sha ni gaw Shela, Hparet, Zera hte rai ma ai. (Yuda a kaga kasha ngu na Era hte Onan chyawm gaw Hkanan mung e si mat masai.) Hparet a shadang sha ni gaw Hezron hte Hamula rai ma ai.

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

1 HKAWHKAM LABAU 2:3

Yuda gaw shadang sha manga lu nga ai. Shi a madu jan Hkanan num Batshua kaw na shadang sha masum rai nga lu ai; dai ni gaw Era, Onan, hte Shela ni rai nga ai. Shi a kasha alat Era mahtang grai n hkru ai wa rai nna dai Madu shi hpe sat kau wu ai.

BU HKAWM 26:19

Yuda a amyu bawsang: Dai hta Shela, Hparet, Zera, Hezron, Hamula hte a lakung lakying ni lawm nga ai. (Yuda a shadang sha lahkawng rai nga ai Era hte Onan yan chyawm gaw Hkanan mung e si mat masai.)

2 KORINHTU 6:14

N kam n sham ai ni hte rau ginrun nna amu bungli hkum jawm gun hpai nga mu, hpa majaw nga yang, rau ginrun nna gun hpai na n mai byin ai. Jaw ai hte shut ai gaw kaning rai nna rau ginrun nga lu na rai ta? Nhtoi hte nsin gaw kaning rai nna rau nga lu a ta?

TARA AGYI 14:2

Shi gaw nta de nhtang wa nhtawm shi a kanu yan kawa hpe, “Nye a myit gang la kau ya lu ai Hpilisti numsha langai Timna mare e nga nga ai. Shi hpe nye a matu hpyi ya mi; ngai shi hpe hkungran la mayu nngai,” ngu nna tsun wu ai.

TARA AGYI 16:1

Lani mi na aten hta, Samson gaw Hpilisti mung na Gaza mare de sa wa wu ai; dai yang e shawa num langai mi hte hkrum nna shi kaw shang nga wu ai.