NINGPAWT NINGHPANG 37:7 - Jinghpaw Common Language Bible 2009

⁷ Anhte yawng sun e hkaulan mam hkauling ni hpe gyit nga ga yang, nye a hkauling mahtang jan rai rawt tsap nga ai. Nanhte a hkauling ni chyawm gaw grup wan rai nna nye a hkauling hpe gum dagup nga ma ai,” ngu nna tsun wu ai.

Jinghpaw Hanson Version Bible

⁷ yu mu, hkai bang yi e anhte hkauling gyit nga ga yang, nye a hkauling gaw jan rai rawt tsap nga ai; nanhte a hkauling ni gaw, grup wan rai nna nye a hkauling hpe nawku nga ma ai, ngu nna hkai dan wu ai.

NINGPAWT NINGHPANG 37:7 ပူးပေါင်းရင်းမြစ်များ

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

NINGPAWT NINGHPANG 37:6

Shi gaw, “Ngai mu ai yup mang hpe madat yu mu.

NINGPAWT NINGHPANG 42:6

Egutu mung a mungdu Yosep gaw mungkan shara shagu na du sa ai masha ni hpe nai mam ni dut ya nga wu ai. Yosep a kahpu ni du sa nhtawm shi man e ga du hkra dingnyawm dagup nga ma ai.

NINGPAWT NINGHPANG 42:9

Yosep gaw shanhte a lam hte shi mu ai yup mang ni hpe myit dum let, “Nanhte kin-yu ni rai nga myit dai; anhte a mungdan n-gun kya ai hpe sa yu ai ni she rai nga myit dai,” ngu nna shanhte hpe tsun mu ai.

NINGPAWT NINGHPANG 43:26

Yosep gaw nta nhku de du shang wa ai shaloi, shi nga ai nta nhku de kumhpa ni hpe shanhte la shang wa nhtawm shi a man e ga du hkra gum dagup nga ma ai.

NINGPAWT NINGHPANG 43:28

Shanhte mung, “Nang hpe hkungga ai shangun ma, anhte a kawa gaw naw hkrung nga nna hkam kaja nga ai,” ngu nna htan let shi a man e hput di nhtawm gum dagup ma ai.

NINGPAWT NINGHPANG 44:14

Yuda hte shi a kahpu kanau ni Yosep a nta de shang wa ai shaloi, shi mung dai yang e naw nga nga wu ai. Shanhte shi a man e gum dagup nga ma yang,

NINGPAWT NINGHPANG 44:18

Yuda chyawm gaw Yosep hpang de sit lung wa nna, “Madu e, chyeju hte nang hte n dut n dang ga shaga lu na ahkang jaw e law; ngai hpe mung masin hkum pawt et; nang gaw hkawhkam wa zawn rai nga ndai.

NINGPAWT NINGHPANG 44:19

Madu e, nang chyawm gaw anhte hpe, ‘Nanhte kawa lu myit ni? Kaga kanau naw lu myit ni?,’ ngu nna san yu nit dai.

NINGPAWT NINGHPANG 50:18

Dai hpang shi a kahpu kanau ni nan shi a man de sa nna dingnyawm gum dagup let, “Anhte gaw na a mayam ni zawn na a man e nga nga ga ai,” ngu nna tsun ma ai.

HPILIPI 2:10

Dai majaw sumsing lamu lahta tang na, dinghta tsang na hte lawu tsang na, hkrung mahkrung yawng hte gaw, Yesu a mying ningsang hpe, shagrau sha-a hkungga jaw let, hput di dingnyawm nna,

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.