NINGPAWT NINGHPANG 32:9 - Jinghpaw Common Language Bible 2009

⁹ Dai hpang Yaku gaw, “Nye a aji Abraham a Karai Kasang nye wa Isak a Karai Kasang e, nye a akyu hpyi ga hpe na ya e! Madu e, nang ngai hpe nye a mung ga, nye a amyu ni shanu nga ai ga de nhtang wa na matu mung, nye a matu lam shagu hta mai kaja shangun na mung, nang tsun nit dai.

Jinghpaw Hanson Version Bible

⁹ kaning rai nme law, Hpung mi hpe Esaw mu nna hpya kau yang hpung mi gaw lawt lu na nhten, ngu wu ai.

NINGPAWT NINGHPANG 32:9 ပူးပေါင်းရင်းမြစ်များ

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 28:13

Dai Madu gaw dai yang na shi a makau e tsap nga nhtawm, “Ngai gaw Abraham, Isak ni a dai Madu Karai Kasang rai nga nngai; nang hpe mung, na a amyu matu ni hpe mung ndai lamu ga hpe ngai jaw na nngai.

NINGPAWT NINGHPANG 28:15

Yu u, ngai nang hte rau rai nga nngai mung, nang hkawm sa ai shara shagu hkan nang hpe ngai makawp maga ai hpe mung, ndai mung de nang hpe bai woi wa na lam hpe mung, adum nga u. Ngai nang hpe ga sadi jaw da sai amu yawng mayawng hpe galaw shatup ngut ai aten du hkra, nang hpe ngai kau da na nngai n rai,” ngu nna tsun wu ai.

NINGPAWT NINGHPANG 31:13

Nang gaw masat dingsat nlung hta tsanlun sau ru bun nna, ngai hpe ga shaka hte dagam da ai dai Behtela e nang hpe shadan dan ai Karai Kasang rai nga nngai. Ya chyawm gaw na a daidaw ga de nhtang wa na matu jin jin di da sanu,’” ngu nna matut tsun wu ai.

NINGPAWT NINGHPANG 31:29

Nang hta machyi hkrum mat hkra galaw lu na n-gun atsam ngai lu nngai, rai ti mung, mana e, na nwa a Karai Kasang gaw hpa lam hku nna mung nang hpe n jahkrit shama na lam ngai hpe sadi jaw da ni ai.

NINGPAWT NINGHPANG 31:3

Dai hpang dai Madu gaw shi hpe, “Na a nwa ni hte na a bawsang ni nga ai mung de bai wa nu; ngai nang hte rau anga nga na nngai,” ngu nna tsun wu ai.

NINGPAWT NINGHPANG 31:42

Nye kaji kawa ni a Karai Kasang ngu ai Abraham, Isak ni a Karai Kasang gaw ngai hte rau she n nga ai rai taw gaw, nang ngai hpe kaman dat dat kau chyalu rai nga ndai. Rai ti mung Karai Kasang gaw ngai hkam sha ai tsin-yam tsindam hte ngai galaw sai amu hpe mu mada ya ni ai majaw, mana e, shi tara daw dan ai lam jaw ya mi ai,” ngu nna tsun wu ai.

NINGPAWT NINGHPANG 31:53

Abraham a Karai Kasang hte Nahora a Karai Kasang gaw an a lapran e jeyang ya nu ga,” ngu nna tsun wu ai. Dai hpang Yaku gaw ndai ga sadi grin nga u ga, shi kawa Isak nawku ai Karai Kasang a mying nsang hte dagam shaka da wu ai.

NINGPAWT NINGHPANG 32:8

Shi gaw, “Shawng na hpung hpe Esaw sa gasat yang, hpung mi gaw lawt lu na nhten,” ngu nna myit nawn da wu ai.

NINGPAWT NINGHPANG 49:25

Dai gaw nang hpe karum ai na nwa a Karai Kasang rai nna, Sumsing lamu na shaman ai chyeju marang hte mung, Ga kata na sung ai hka a majaw mung, Yam nga hte kashu kasha law law mayat maya shangun ai shaman chyeju ni a majaw mung,

2 HKAWHKAM LABAU 20:12

Nang gaw anhte a Karai Kasang rai nga ndai, shanhte hpe ari jaw u; anhte hpe gasat nga ai ndai hpyen luksuk kaba a man hta anhte gaw karum la lam n lu ai ni she rai nga saga ai. Kaning rai galaw na mung anhte n chye saga ai, rai ti mung anhte chyawm gaw karum la hkrum na matu nang hpe sha mada yu nga saga ai law,” ngu nna nsen ja ja hte hpyi jahtau wu ai.

2 HKAWHKAM LABAU 20:6

“O Madu anhte a kaji kawa ni a Karai Kasang e, nang gaw mungkan ga na amyu baw ni yawng hpe sumsing lamu kaw nna up hkang nga ndai. Nang gaw daru magam n-gun hte chyalai n-gun hpring nga ndai majaw kadai mung nang hpe n lu ninghkap lu nga ai.

2 HKAWHKAM LABAU 32:20

Dai hpang Hkawhkam Hezekia hte Amot a kasha myihtoi Esaia gaw Karai Kasang kaw akyu hpyi ai hte karum la na matu shi hpe jahtau ma ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

YEREMIA 32:16

Ngai gaw dai ga sadi laika hpe Baruk a lata hta ap ya ngut ai hpang ngai ning ngu akyu hpyi nngai:

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.