NINGPAWT NINGHPANG 32:4 - Jinghpaw Common Language Bible 2009

⁴ Shi shanhte hpe hkang dat mu ai gaw: “Na a ga hpe madat mara ai shangun ma, ngai Yaku gaw ya du hkra Laban kaw nga kau da nna bai nhtang wa ai hta htingnai mat nngai.

Jinghpaw Hanson Version Bible

⁴ Shaloi Yaku gaw Seira ga Edom pa e nga ai shi a kahpu Esaw hpang de shi a shawng e kasa shangun dat wu ai.

NINGPAWT NINGHPANG 32:4 ပူးပေါင်းရင်းမြစ်များ

NINGPAWT NINGHPANG 25:30

Shi kawsi nga wu ai majaw Yaku hpe, “Ngai hpe dai hkyeng ai si mai loi mi jaw e, ngai kawsi kyet nga nngai,” ngu nna tsun wu ai. (Dai rai nna shi hpe Edom ngu nna shamying mu ai.)

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

NINGPAWT NINGHPANG 27:37

Isak gaw, “Ngai shi hpe na a madu tai shangun se ai. Shi a amyu matu mara ni yawng mung shi a mayam ni tai mat shangun kau se ai. Nai mam hte sabyi ntsin mung ngai shi hpe jaw se ai. Ngai sha e, ya gaw na a matu ngai galaw ya lu ai lam hpa mung n nga sai!,” ngu nna htan wu ai.

NINGPAWT NINGHPANG 31:41

Shaning hkun ning ting ngai nang hte rau dai zawn nga kau ni ai. Na shayi sha yan a matu shi mali ning, na a yam nga hpung ni a matu kru ning, ngai galaw jaw kau da se ai. Dai rai tim pyi, nye a shabrai ni hpe shi lang nang galai kau ya nit dai.

NINGPAWT NINGHPANG 32:18

Shi gaw dai ni hpe shi a madu Esaw hpe jaw dat ai kumhpa rai nga ai. Yaku shi hkum nan gaw anhte a shingdu e naw rai nga ai,’” ngu nna nanhte htan lu na myit dai, nga nna hkang dat wu ai.

NINGPAWT NINGHPANG 32:5

Dumsu ni hte lawze ni mung, sagu bainam ni hte mayam ni mung, ngai lu nngai. Na a man e myi man pa lu na hpe myit mada let nang hpe shana dat nngai.”

NINGPAWT NINGHPANG 33:14

Nye a shawng e nang mahtang wa magang su. Ngai gaw yam nga ni hte ma ni hkawm lu ai daram mi hte nang nga ai Edom mung de hkan du nang ai aten du hkra angwi ngwi hte hkan nang wa na nngai,” ngu nna htan wu ai.

NINGPAWT NINGHPANG 33:8

Esaw mahtang, “Ngai hkrum kau dat ai kaga hpung ni gaw kaning re ai ni rai nga ma ta? Dai gaw kaning re ai lachyum rai nga a ta?,” ngu nna san wu yang, Yaku gaw, “Dai gaw na a man e myi man pa lu na matu rai nga li ai,” ngu nna htan wu ai.

NINGPAWT NINGHPANG 36:8

Dai rai nna Esaw mahtang Edom mung na kawng marawn hkan shanu nga wu ai.

NINGPAWT NINGHPANG 36:9

Da ndai ni gaw Edom masha ni a kaji kawa rai nga ai Esaw a lakung lama ni rai nga ai. Esaw a madu jan Ada gaw shi a matu shadang sha Elihpa hpe shangai ya wu ai.

NINGPAWT NINGHPANG 4:7

Nang jaw ai amu galaw yang gaw nang myi man hpaw lu na rai nga ndai, rai ti mung nang gaw n hkru n shawp ai amu galaw kau nit dai majaw yubak gaw na a chyinghka e makun hpum nga ai. Dai gaw nang hpe up hkang mayu ti mung, dai hpe nang awng dang kau lu ndai,” ngu nna tsun wu ai.

1 HKAWHKAM 20:32

Dai rai nna shanhte gaw lachyit sumpan hpe shanhte a nshang ni hta lawai da nna shanhte a du ni hta sumri ahkyen nhtawm Ahab hpang de sa nna, “Na a shangun ma Benhadad gaw shi a asak a matu nang hpe hpyi nem nga ai,” ngu nna htan wu ai. Ahab gaw, “Shi naw hkrung nga a ni? Kaja sa! Shi gaw nye a kahpu ba langai zawn rai nga ai!,” ngu nna htan wu ai.

PRU MAT 32:22

Arun gaw, “Ngai hpe masin hkum pawt et; ndai amyu masha ni n hkru ai amu galaw na matu kade wa daw dan gwi nga ma ai hpe nang chye nga ndai.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 25:15

Myit galu ai hte shadut ga chye tsun ai gaw ngang kang ai hpyen dap hpe sharun jahten lu ai hte mungdu ni hpe pyi kam hpa mat shangun lu nga ai.

GA SHAGAWP 6:3

Rai sa, sha e, nang dai masha wa a daru magam npu e nga ai rai tim, da ndai gaw shi a kata kaw nna gara hku lawt pru wa na lam rai nga ai; shi hpang de tin tin sa nna nang hpe raw dat na matu, shi hpe hpyi nem u.

HPAJI NINGLI 10:4

Na a mungdu wa nang hpe masin pawt ai rai yang, bungli kaw na hkum pru mat et; dai hpe nang atsin sha sharang kau ai rai yang, grai sawng ai shut hpyit lam hpe raw dat kau mai nga ai.

ESAIA 21:11

Ndai gaw Edom hte seng ai mungga rai nga ai. Marai langai mi gaw Edom mung kaw nna ngai hpe, “Sin langa wa e, Shana gaw kade na jang lai mat wa na rai nga a ta? Dai gaw kade na yang lai mat wa na lam, ngai hpe tsun dan e,” ngu nna shaga nga ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

1 PETRU 3:6

Sara mung dai hte maren galaw wu ai; shi gaw Abraham hpe madat mara nga let Abraham hpe shi a madu ngu nna gang shaga wu ai. Nanhte gaw hpa hpe mung n hkrit n kang ai sha mai kaja ai amu galaw nga myit yang gaw nanhte gaw ya Sara a shayi sha ni rai nga manit dai.

TARA AGYI 5:4

Madu e, nang gaw Seira bum ni kaw na pru nhtawm, Edom ginwang kaw na pru sa wa ai shaloi, ginding aga ashun nna lamu kaw na marang htu hkrat nga ai. Rai sa, sumwi ni hta na hka ru hkrat wa nga ai.

1 SAMUELA 26:17

Shawlu chyawm gaw Dawi a nsen hpe chye matsing ai rai nna, “Ngai sha Dawi e, dai gaw nang rai nga n ni?,” ngu nna san wu yang, Dawi mung, “Rai nga nngai, Madu hkawhkam e,” ngu nna htan wu ai.