NINGPAWT NINGHPANG 3:6 - Jinghpaw Common Language Bible 2009

⁶ Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

Jinghpaw Hanson Version Bible

⁶ Hpun dai gaw sha na matu mai kaja ai mung, myi a matu yu chyoi nga ai mung, hpaji lu la na matu sharawng awng ai hpun rai nga ai mung, dai numsha gaw mu wu jang, dai hpun hta na asi di sha wu ai: madu wa hpe mung shi agaw jaw wu ai rai nna, shi mung sha wu ai.

NINGPAWT NINGHPANG 3:6 ပူးပေါင်းရင်းမြစ်များ

NINGPAWT NINGHPANG 3:12

Shinggyim lasha gaw, “Ndai shara e ngai hte rau nga na matu nang ap ya ai numsha gaw ngai hpe namsi jaw nna dai hpe ngai sha kau ni ai,” ngu nna htan wu ai.

NINGPAWT NINGHPANG 3:17

Shi gaw lasha hpe mung, “Na madu jan a ga hpe nang madat nna, hkum sha ngu nna ngai tsun da ai hpun hta na asi hpe nang sha kau nit dai. Nang galaw kau nit dai amu a majaw aga gaw dagam dala hkrum na ra ai. Nang hkrung nga ai hte yang bungli shaja sha ra nna na a matu lusha hpe mung dai hta alaw alam galaw shapraw ra na ndai.

NINGPAWT NINGHPANG 39:7

Kade n na yang, shi madu a madu jan mahtang Yosep hpe ra gasit hpang wa nna shi hte rau yup na matu saw lajin wu ai.

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

1 HKAWHKAM 13:19

Dai rai nna Yuda mung na myihtoi wa gaw myihtoi dingla wa hte rau nta de wa nhtawm shi hte rau lu rau sha rai nga ai.

YOBA 31:1

Ngai gaw numsha langai hpe ngang gayut ai myi hte galoi mung n mada yu na ngu, ga sadi dagam da se ai.

EZEKELA 24:16

Shi gaw, “Si chye ai masha wa e, nang tsaw ra htum ai wa hpe ngai kalang dat woi la na nngai. Shi gaw akajawng sha si mat na ra ai. Nang gaw aput angun ai mung, hkrap shabam ai mung, myi prwi hkrat ai mung galaw lu na n rai.

EZEKELA 24:21

Israela masha ni hpe ndai mungga jaw ya na matu ngai hpe tsun wu ai: Nang gaw Nawku Htingnu a n-gun atsam hta gumrawng gumtawng nga ndai. Nang gaw dai hpe yu sharawng nna dai de sa chyai nga ndai, rai ti mung, dai Madu gaw dai shara hpe awu asin di kau na ra ai. Yerusalem hta jahti da ai na a dinghku ni hta na shayi shadang sha ni gaw hpyen majan hta sat kau ai hkrum na mara ai.

EZEKELA 24:25

Dai Madu gaw, “Yu u, si chye ai masha wa e, ngai gaw shanhte yu sharawng nna sa chyai nga ai dai shanhte a gumrawng gumtawng shara hte kabu gara shara ngu ai Nawku Htingnu hpe shanhte a man kaw na la kau na we ai. Shanhte a shayi shadang sha ni hpe mung la kau na we ai.

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

1 TIMOHTI 2:14

Satan a hkalem hkalau hkrum ai wa gaw Adam n rai, numsha mahtang hkalem hkalau ai hkrum nna Karai Kasang a tara hpe tawt lai nu ai.

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.

1 YAWHAN 2:16

Dinghta ga hte seng ai arai nga manga, hkum shan a kayut ai lam ni, masha ni myi hte mu nna ra marit ai lam ni hte, ndai mungkan na masha ni a gumrawng gumtawng ai hte grang ai lam shagu gaw, gara mung Kawa kaw nna pru ai n rai; dai yawng mayawng gaw dinghta ga kaw na pru ai rai nga ai.

TARA AGYI 14:17

Dai numsha gaw poi galaw ai sanit ya tup de a matu hkrap nga ai. Rai ti mung sanit ya shani e chyawm gaw shi nau aput shatsang ai majaw de a lachyum hpa rai nga ai lam shi hpe tsun dan wu ai. Dai hpang shi mung Hpilisti masha ni hpe tsun dan wu ai.