NINGPAWT NINGHPANG 3:4 - Jinghpaw Common Language Bible 2009

⁴ Lapu gaw, “Dai ga teng nga ai n rai; nan si lu na myit dai n rai.

Jinghpaw Hanson Version Bible

⁴ Dai rai nna lapu gaw, “Nan gaja wa n si na myit dai:

NINGPAWT NINGHPANG 3:4 ပူးပေါင်းရင်းမြစ်များ

NINGPAWT NINGHPANG 3:13

Dai Madu Karai Kasang gaw, “Nang hpa majaw ndai amu hpe galaw kau nu ni?,” ngu nna numsha hpe san wu ai. Shi gaw, “Dai namsi hpe sha na matu, lapu mahtang ngai hpe lau la ni ai,” ngu nna htan wu ai.

NINGPAWT NINGHPANG 3:3

Karai Kasang gaw an hpe dai hpun a asi hpe n sha hkrup na matu mung, dai hpe hkra pyi n sa hkra na matu mung, tsun da mani ai; dai hpe an sha hkrup ai rai yang, an si na ga ai,” ngu nna htan wu ai.

2 HKAWHKAM 1:16

shi hpe, “Da ndai gaw dai Madu tsun ai ga rai nga ai: ‘Israela mung hta nang san yu na karai kaga n nga mat sam nga ndai, Ekron karai Balazebu hpe sa san yu na matu kasa ni hpe nang shangun dat nga ndai majaw, nang hkam kaja wa lu na ndai n rai; nang si na rin dai!’”

2 HKAWHKAM 1:4

Dai Madu gaw, ‘Nang machyi nga ndai kaw nna bai mai wa na ndai n rai, nang si na rai ndai!,’” ngu nna tsun ai ngu hkawhkam wa hpe tsun dan u. Shaloi Elia gaw dai Madu hkang da ai hte maren, galaw wu ai rai nna,

2 HKAWHKAM 1:6

Shanhte gaw, “Anhte hpe nhtang wa mu nga nna sa tsun ai masha langai mi hte hkrum ga ai rai nna dai Madu mung nang hpe, ‘Ekron karai Balazebu hpe san yu na matu, nang hpa majaw kasa ni hpe shangun dat n ni? Dai Israela mung hta karai n nga sai ngu nanhte myit nawn la myit dai majaw rai nga a ni? Nang gaw machyi nga ai kaw na bai mai wa na ndai n rai, nang si na rai nga ndai!,’” ngu nna nang hpe tsun u, nga nna htet dat ai ngu nna htan mu ai.

2 HKAWHKAM 8:10

Elisha gaw, “Dai Madu ngai hpe madun dan ai hte maren, shi si na rai wu ai rai ti mung, shi kaw sa nna shi bran wa lu na lam tsun u,” ngu nna htan wu ai.

2 HKAWHKAM LABAU 18:21

Dai wenyi chyawm gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Bai dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

SHAKAWN KUNGDAWN 10:11

Tara n lang ai wa gaw, “Karai Kasang nga ai n rai! Shi gaw shi a myi ni hpe di da nu ai hte, ngai hpe galoi mung mu na ra ai n rai,” nga nna shi hkum shi tsun nga ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

2 KORINHTU 2:11

Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

TARA JAHPRANG 29:19

Ndai dagam ga hpe dai ni, ndai yang e na ai ni lam shagu shi hte mai kaja na re ngu shi nan myit hkawn da tim, myit ja ai hte shi a lam shi hkawm ai rai yang, dai gaw kaja ai rai ti mung, n kaja ai rai ti mung nanhte yawng hpe shamyit kau na wu ai.

1 TIMOHTI 2:14

Satan a hkalem hkalau hkrum ai wa gaw Adam n rai, numsha mahtang hkalem hkalau ai hkrum nna Karai Kasang a tara hpe tawt lai nu ai.