NINGPAWT NINGHPANG 3:1 - Jinghpaw Common Language Bible 2009

¹ Ya dai lapu gaw dai Madu Karai Kasang e galaw da nu ai dusat hta zai hpaji rawng htum nga ai. Dai lapu gaw numsha hpe, “Ndai sun hta tu ai gara hpun hta na asi hpe rai tim, nan n sha lu na rai myit dai, nga nna Karai Kasang nan hpe kaja wa tsun a ni?,” ngu nna san wu ai.

Jinghpaw Hanson Version Bible

¹ Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

NINGPAWT NINGHPANG 3:1 ပူးပေါင်းရင်းမြစ်များ

HPAJI NINGLI 4:10

Shan hta na langai wa kataw mat yang, kaga langai mi shi hpe karum shadaw ya lu nga ai. Rai ti mung, langai sha nga nna kataw ai rai yang, dai gaw n kaja nga ai; hpa majaw nga yang, kadai mung shi hpe karum shadaw na n nga nga ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

MAHTE 4:6

“Nang Karai Kasang a Kasha rai n yang gaw, na hkum nan le de jahkrat dat u: hpa majaw nga yang, ‘Karai Kasang gaw, na a matu shi a lamu kasa ni hpe shi hkang da nu ai rai nna, shanhte gaw na a lagaw nlung hta n ahtu u ga, shanhte a lata ni hte nang hpe pawn la na mara ai nga nna ka da nga ai,’” ngu nna shi hpe tsun wu ai.

MAHTE 4:9

“Nang dingnyawm nna ngai hpe nawku n yang gaw, ndai yawng mayawng hte hpe ngai nang hpe jaw na de ai,” ngu nna Yesu hpe tsun wu ai.

2 KORINHTU 11:14

Ning rai galaw ai gaw mauhpa n rai nga ai! Satan pyi gaw nhtoi a lamu kasa hkrang hpe naw masu dagraw lu nga ai!

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.

SHINGRAN 12:15

Baren numraw gaw, dai numsha hpe hka hpungla hte shayawng kau lu na matu, shi a n-gup hta na hka hpe hka nu zawn, dai numsha hpang de kawut shalwi dat wu ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.