NINGPAWT NINGHPANG 27:9 - Jinghpaw Common Language Bible 2009

⁹ Ya, dai bainam hpung de sa nna hpum tsawm ai bainam kasha lahkawng la wa rit; dai ni hpe ngai shadu nna na nwa grai sha ra ai hku lusha hpe lajang ya na nngai.

Jinghpaw Hanson Version Bible

⁹ Bainam hpung de sa su; tsawm ai bainam kasha lahkawng la wa rit; na nwa sha ra ai hku shan shatmai ngai shadu we ga:

NINGPAWT NINGHPANG 27:9 ပူးပေါင်းရင်းမြစ်များ

NINGPAWT NINGHPANG 27:10

Shi garai n si yang shi nang hpe shaman jaw da lu u ga, dai shan shat mai shi sha na matu nang la wa ya lu na ndai,” ngu nna tsun wu ai.

NINGPAWT NINGHPANG 27:14

Dai majaw dai ni hpe shi sa la wa nna kanu kaw dun wa ya wu ai; kanu mung shi a kawa sha ra ai hku shan shat mai shadu wu ai.

NINGPAWT NINGHPANG 27:4

Ngai sha ra hkra mu mai ai hku lusha shadu nhtawm ngai hpang de la wa rit. Dai hpe sha ngut ai hte rau nye a nsa garai n htum mat ai laman, hpang jahtum ngai tsun na shaman ga, nang hpe ngai jaw na we ai,” ngu nna tsun wu ai.

NINGPAWT NINGHPANG 27:8

Rebeka gaw, “Ngai sha e, ya nye a ga hpe madat u; ngai tsun ai hte maren galaw u.

TARA AGYI 13:15

Dai Madu a lamu kasa rai nga ai hpe n chye wu ai majaw Mano gaw shi hpe, “Chyeju hte garai hkum pru mat wa et, na a matu bainam kasha langai mi hpe an sat shadu ya lu n-ga,” ngu nna shi hpe tsun wu ai. Rai ti mung lamu kasa mahtang, “Ngai hkring nga ai rai tim na a malu masha hpe ngai sha na nngai n rai. Rai ti mung dai hpe hkyen lajang ya mayu ai rai yang gaw dai Madu hpe hkungga hku nna nat na rai ndai,” ngu nna tsun wu ai.

1 SAMUELA 16:20

Yese mung lawze daw hta muk shagun nna, sabyi hpring hkra bang ai shanhpyi tau langai hte bainam kasha hte hpawn Dawi hpe Shawlu hpang de shangun dat wu ai.