NINGPAWT NINGHPANG 27:4 - Jinghpaw Common Language Bible 2009

⁴ Ngai sha ra hkra mu mai ai hku lusha shadu nhtawm ngai hpang de la wa rit. Dai hpe sha ngut ai hte rau nye a nsa garai n htum mat ai laman, hpang jahtum ngai tsun na shaman ga, nang hpe ngai jaw na we ai,” ngu nna tsun wu ai.

Jinghpaw Hanson Version Bible

⁴ shing rai ngai sha ra ai hku shan shatmai shadu nna, ngai sha ya lu n ga, ngai hpang de la wa rit,” ngu wu ai.

NINGPAWT NINGHPANG 27:4 ပူးပေါင်းရင်းမြစ်များ

NINGPAWT NINGHPANG 14:19

shi hpe shaman ya let, “Sumsing lamu hte ginding aga hpe hpan da ai dai Tsaw Htum ai Karai Kasang gaw Abram hpe shaman ya u ga!

NINGPAWT NINGHPANG 24:60

Shanhte mung Rebeka hpe ning nga ai ga ni hte shaman ya mu ai: “Anhte a kajan e, nang gaw masha mun mun sen sen ni a kanu tai wa nit ga law! Na a amyu matu ni mung shanhte a gumlau hpyen ni shanu ai mare ni hpe madu la lu mu ga law!”

NINGPAWT NINGHPANG 27:14

Dai majaw dai ni hpe shi sa la wa nna kanu kaw dun wa ya wu ai; kanu mung shi a kawa sha ra ai hku shan shat mai shadu wu ai.

NINGPAWT NINGHPANG 27:17

Dai hpang mu mai ai shan shat mai hte shi kabaw ai muk hte hpawn Yaku a lata hta jaw dat wu ai.

NINGPAWT NINGHPANG 27:19

Yaku mahtang, “Ngai gaw na a kasha alat Esaw rai nga nngai, nang tsun ai hte maren galaw se ai; chyeju hte rawt dung nna ndai na a matu ngai la wa ya ai shan shat mai sha u; na a shaman ga ngai hpe jaw lu na rai ndai,” ngu nna htan wu ai.

NINGPAWT NINGHPANG 27:23

Yaku a lata gaw Esaw zawn mun tu nga wu ai majaw, Isak gaw shi hpe n chye matsing nga wu ai. Isak gaw shi a shaman ga Yaku hpe jaw hkyen nga nu ai;

NINGPAWT NINGHPANG 27:25

Isak gaw, “Dai rai taw gaw, shan shat mai la wa yu rit. Dai hpe sha ngut jang, nye a shaman ga ngai nang hpe jaw na de ai,” ngu nna tsun wu ai. Yaku gaw shan shat mai hpe shi hpang de la wa nhtawm lu na matu sabyi ntsin hpe mung la wa ya wu ai.

NINGPAWT NINGHPANG 27:27

Yaku mung sit lung wa nna shi hpe pup wu ai; Isak gaw shi a palawng sama hpe manam la nhtawm shi hpe shaman ya wu ai. Shi gaw, “Nye kasha a manam pyaw ai sama gaw dai Madu shaman ya ai yi hkauna nngawt bat hte bung nga ai.

NINGPAWT NINGHPANG 27:31

Shi mung shan shat mai shadu ngut ai hpang kawa kaw la wa wu ai. Shi gaw, “Wa e, chyeju hte rawt dung nna na a matu ngai la wa ya ai ndai shan shat mai hpe sha ya e, shaloi na a shaman ga ngai hpe jaw lu na ndai,” ngu nna tsun wu ai.

NINGPAWT NINGHPANG 27:5

Isak gaw Esaw hpe shing nga tsun ai ga hpe Rebeka madat la wu ai. Esaw gaw shan tam na nga pru mat wa ai shaloi,

NINGPAWT NINGHPANG 27:9

Ya, dai bainam hpung de sa nna hpum tsawm ai bainam kasha lahkawng la wa rit; dai ni hpe ngai shadu nna na nwa grai sha ra ai hku lusha hpe lajang ya na nngai.

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

NINGPAWT NINGHPANG 48:9

Yosep chyawm gaw, “Ndai yan gaw Egutu mung e Karai Kasang ngai hpe jaw ai shadang sha yan rai nga ma ai,” ngu nna htan wu ai. Yaku mung, “Shan hpe ngai hpang de sit wa shangun u; shan hpe ngai shaman ya na nngai,” ngu nna tsun wu ai.

NINGPAWT NINGHPANG 49:28

Ndai hte gaw Israela amyu bawsang shi lahkawng rai nga ma ai; ga ndai gaw shadang sha shagu lu la ang ai hte maren shanhte a kawa tsun da ai shaman ga rai nga ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

LUKA 24:51

Shing rai shanhte hpe shaman ya nga yang, shi shanhte kaw na hka mat wa nna sumsing lamu de woi shalun la ai hkrum wu ai.

HEBRE 11:20

Kam sham ai hte Isak gaw du na ra ai ten hta hkam la na rai nga ai shaman chyeju ni hte seng nna Yaku yan Esaw hpe ga sadi jaw ai.

YAWSHU 14:13

Yawshu gaw Yehpuna a kasha Hkaleb hpe shaman ya nhtawm shi a sali ga matu Hebron mare hpe jaw ya wu ai.

YAWSHU 22:6

Yawshu mung ndai shaman ga hte shanhte hpe, “Nanhte gaw grai sut su nhtawm yam nga law law, aja gumhpraw, magri mang, hpri hte hpun palawng law law hte dum nta de nhtang wa na rai myit dai. Nanhte a gumlau hpyen ni kaw na lu la ai arung arai ni hpe nanhte a hpu nau amyu bawsang ni hte karan la mu,” ngu nna dum nta de dat dat wu ai. Dai hpang, shanhte mung tinang a dum nta buga de pru mat wa shajang ma ai. Mawshe gaw Yawdan hka a sinpraw hkran na lamu ga, Manashe amyu bawsang chyen mi hpe jaw nu ai; rai ti mung Yawshu gaw Yawdan hka a sinna hkran na lamu ga hpe kaga amyu bawsang ni hte hpawn kaga ka-ang hkup jaw ya wu ai.