NINGPAWT NINGHPANG 26:4 - Jinghpaw Common Language Bible 2009

⁴ Na a mayu matu ni hpe lamu na shagan ni zawn ngai shalaw na mawe ai rai nna, dai ni yawng hpe ndai mung ting ngai jaw na mawe ai. Amyu baw ni yawng mung na a amyu matu ni hpe ngai shaman ya ni ai hte maren shanhte hpe shaman ya na matu hpyi lajin wa na mara ai.

Jinghpaw Hanson Version Bible

⁴ Na a amyu matu ni hpe lamu a shagan zawn ngai shalaw na mawe ai rai nna, na nshu nsha ni hpe ndai mung ting ngai jaw na mawe ai: na a aru arat a marang e ga ntsa na masha amyu nlang gumring gumrat re ai chyeju lu la na mara ai:

NINGPAWT NINGHPANG 26:4 ပူးပေါင်းရင်းမြစ်များ

NINGPAWT NINGHPANG 13:16

Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

NINGPAWT NINGHPANG 15:5

Dai Madu gaw shi hpe shinggan de woi shapraw nhtawm, “Sumsing lamu de mada yu nna dai shagan ni hpe hti shakut yu u; dai zawn law htam ai amyu matu ni hpe nang lu na rin dai,” ngu nna tsun wu ai.

NINGPAWT NINGHPANG 18:18

Shi a amyu matu ni mung galu kaba wa nna n-gun hte hpring ai amyu tai wa na mara ai; Shi a jaw e, amyu baw ni yawng hpe ngai shaman ya na nngai.

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 28:14

Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai.

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

NINGPAWT NINGHPANG 35:12

Abraham hte Isak yan hpe ngai jaw ai lamu ga gaw nang hpe mung, na a hpang na amyu matu ni hpe mung ngai jaw na we ai,” ngu nna shi hpe tsun wu ai.

NINGPAWT NINGHPANG 47:27

Israela amyu masha ni gaw Egutu mung Goshen mung hta shanu nga nna lu su ngamu ngamai wa ma ai hte shanhte hta kashu kasha law law mayat maya wa ma ai.

1 HKAWHKAM LABAU 27:23

Israela amyu masha ni hpe sumsing lamu na shagan ni zawn shalaw jahtam na ngu ai dai Madu a ga sadi majaw, Hkawhkam Dawi gaw asak hkun ning n du ai amyu masha ni hpe yuptung jahpan n hta shalawm la nga ai.

SHAKAWN KUNGDAWN 72:17

Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

PRU MAT 32:13

Na a shangun ma ni rai nga ai Abraham, Isak hte Yaku ni hpe naw dum u law. Nang dagam shaka da ai hte maren, shanhte a amyu matu hpe sumsing lamu na shagan ni zawn nang shalaw na rai nna nang ndat da ai ga dai mahkra shanhte a amyu matu ni hpe nang jaw nhtawm, dai hpe htani htana prat dingsa shanhte madu nga lu na mara ai, ngu nna dagam shaka ai ga hpe dum nga u law,” ngu nna hpyi nem wu ai.

PRU MAT 6:4

Maigan masha ni zawn shanhte shanu lai wa yu sai Hkanan mung hpe jaw na ngu nna tawn da ai ga sadi, ngai shanhte hte mung ga shaka tawn da se ai.

KASA 3:25

Shi a myihtoi ni hku nna nanhte hpe Karai Kasang jaw ai ga sadi ni gaw nanhte a matu rai nga ai hta n ga, nanhte a nji nwa ni hte Karai Kasang tawn da ai ga shaka ni hte mung seng nga myit dai. “Karai Kasang gaw Abraham hpe na a amyu matu a marang e ga ntsa na amyu mahkra gumring gumrat chyeju hkam la shajang na mara ai nga nna tsun ai.”

GALATI 3:16

Ya Karai Kasang gaw shi a ga ndat ni hpe Abraham hte shi a aru arat hpe jaw da mu ai. Chyum laika gaw, “Aru arat law law,” shing n rai masha law law, ngu ai ga hpe n lang ai. “Na a aru arat” ngu ai langai wa hpe sha tsun nga ai rai nna dai gaw Hkristu hpe ngu ai rai nga ai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

TARA JAHPRANG 9:5

Nanhte gaw mai kaja nga nna teng man ai amu hpe galaw nga myit dai majaw dai Madu nanhte hpe shanhte a mungdan hpe madu la shangun myit dai n rai; shanhte nan n hkru n shawp ai a majaw mung, nanhte a nji nwa Abraham, Isak hte Yaku ni hte tawn da ai ga sadi hpe shadik shatup na shatawng shada da ai lam a majaw mung, shi shanhte hpe shaden kau na rai wu ai.

HEBRE 11:2

Moi shawng de na masha ni gaw, shanhte a makam masham a majaw Karai Kasang a sharawng awng ai lam hpe lu la ma ai.