NINGPAWT NINGHPANG 26:3 - Jinghpaw Common Language Bible 2009

³ Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

Jinghpaw Hanson Version Bible

³ ya nang nga ai ndai mung hta anga nga u; shaloi ngai nang hte rau anga nga nna, nang hpe shaman ya na de ai: kaning rai nme law, nang hte na a amyu matu ni hpe ndai mung ting ngai jaw na made ai; na nwa Abraham hpe ngai dagam ai ga nga nga ai hte maren ngai shatup na we ai.

NINGPAWT NINGHPANG 26:3 ပူးပေါင်းရင်းမြစ်များ

NINGPAWT NINGHPANG 12:7

Dai Madu gaw Abram kaw dan pru nna shi hpe, “Na a amyu matu mara ni hpe ngai jaw na ngu ai mungdan gaw ndai rai nga ai,” ngu nna tsun wu ai. Dai rai nna, shi kaw dan pru ai dai Madu a matu dai shara hta tawn hkungri hpe Abram galaw wu ai.

NINGPAWT NINGHPANG 13:15

Nang mu ai lamu ga mahkra, nang hte na a amyu matu mara ni hpe ngai jaw na nngai; shing rai dai gaw na a matu htani htana madu da ai lamu ga tai na ra ai.

NINGPAWT NINGHPANG 13:17

Ya chyawm gaw, dai lamu ga nang hpe ngai jaw na de ai majaw, mungdan ting de pru hkawm nna yu yu u,” ngu nna tsun wu ai.

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

NINGPAWT NINGHPANG 17:19

Rai ti mung, Karai Kasang chyawm gaw, “N rai law, na a madu jan Sara nan na a matu shadang sha shangai ya na ra ai; shi hpe Isak ngu nna shamying na rin dai. Shi hte mung, shi a amyu matu ni hte mung shaka da ai nye a ga shaka hpe htani htana ngai shadik nga na nngai. Dai gaw htani htana hte seng ai ga shaka rai nga ai.

NINGPAWT NINGHPANG 17:8

Ya nang tsasam tai nga ai ndai mung ting gaw nang hpe mung, na a amyu matu ni hpe mung ngai jaw na we ai. Ndai Hkanan mung ting hpe na a amyu matu ni htani htana madu lu na mara ai; ngai mung shanhte a Karai Kasang tai nga na nngai.”

NINGPAWT NINGHPANG 20:1

Abraham gaw Mamre mare kaw nna dingda maga Hkanan mungdaw mi de htawt sa wa nhtawm, Kadesha hte Shura lapran e shanu nga ai. Dai hpang kade n na yang, Gerara mare hta nga nga wu ai.

NINGPAWT NINGHPANG 25:11

Abraham si mat ai hpang, Karai Kasang gaw, “Ngai Hpe Mu Ai Asak Hkrung Nga Ai Hka Htung” a makau e shanu nga ai shi a shadang sha Isak hpe shaman ya wu ai.

NINGPAWT NINGHPANG 26:12

Dai Madu gaw Isak hpe shaman ya wu ai majaw, dai mung e shi yi galaw wu yang shawoi shi galaw yu sai shaning ni hta dai shaning e htam latsa grau nna shu la wu ai.

NINGPAWT NINGHPANG 26:14

Sagu dumsu uhpung hte shangun ma law law shi lu ai majaw Hpilisti masha ni shi hpe yu manawn nga ma ai.

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 28:13

Dai Madu gaw dai yang na shi a makau e tsap nga nhtawm, “Ngai gaw Abraham, Isak ni a dai Madu Karai Kasang rai nga nngai; nang hpe mung, na a amyu matu ni hpe mung ndai lamu ga hpe ngai jaw na nngai.

NINGPAWT NINGHPANG 28:15

Yu u, ngai nang hte rau rai nga nngai mung, nang hkawm sa ai shara shagu hkan nang hpe ngai makawp maga ai hpe mung, ndai mung de nang hpe bai woi wa na lam hpe mung, adum nga u. Ngai nang hpe ga sadi jaw da sai amu yawng mayawng hpe galaw shatup ngut ai aten du hkra, nang hpe ngai kau da na nngai n rai,” ngu nna tsun wu ai.

NINGPAWT NINGHPANG 31:3

Dai hpang dai Madu gaw shi hpe, “Na a nwa ni hte na a bawsang ni nga ai mung de bai wa nu; ngai nang hte rau anga nga na nngai,” ngu nna tsun wu ai.

NINGPAWT NINGHPANG 35:12

Abraham hte Isak yan hpe ngai jaw ai lamu ga gaw nang hpe mung, na a hpang na amyu matu ni hpe mung ngai jaw na we ai,” ngu nna shi hpe tsun wu ai.

NINGPAWT NINGHPANG 39:2

Dai Madu gaw Yosep hte rau nga nga ai rai nna shi hpe awng dang shangun wu ai.

NINGPAWT NINGHPANG 39:21

Rai ti mung dai Madu gaw Yosep hte rau rai nga ai majaw shi hpe shaman ya wu ai; htawng agyi wa mung shi hpe ra sharawng nga wu ai.

NINGPAWT NINGHPANG 48:21

Dai hpang Yaku gaw Yosep hpe, “Nang mu ai hte maren ngai gaw si wa na chyu sha rai ni ai, rai ti mung Karai Kasang gaw nanhte hte rau nga nga nna nanhte a kaji kawa ni nga ai mung de bai woi wa na ra ai.

NINGPAWT NINGHPANG 50:24

Shi gaw shi a kahpu kanau ni hpe, “Ngai si wa na ni ai; rai ti mung Karai Kasang gaw nanhte hpe teng teng lanu lahku nhtawm ndai mung kaw nna woi pru wa let, Abraham, Isak hte Yaku ni hpe dagam let ga sadi jaw da ai mung de nanhte hpe woi wa na marin dai,” ngu nna tsun wu ai.

1 HKAWHKAM LABAU 16:16

Abraham hte shi tawn da ai ga shaka hpe mung, Isak hte shagrin da ai ga sadi hpe mung, galoi mung hkum malap kau myit.

SHAKAWN KUNGDAWN 105:8

Shi gaw shi a ga shaka hpe htani htana shagrin da na ra ai; shi a ga sadi ni prat ban hkying mi a matu rai nga ai.

SHAKAWN KUNGDAWN 105:9

Shi gaw Abraham hte tawn da sai myit hkrum ga shaka hte, Isak hpe jaw da sai shi a ga sadi hpe shagrin da na ra ai.

SHAKAWN KUNGDAWN 32:8

Dai Madu gaw, “Nang hkawm sa ang ai lam ngai nang hpe sharin ya na nngai, ngai nang hpe hpaji jaw nna sharin matsun na nngai.

SHAKAWN KUNGDAWN 39:12

Madu e, nye a akyu hpyi ai ga hpe na ya e, ngai hpyi jahtau ai nsen hpe madat ya e; ngai hkrap ngu hkrap ngoi nga yang, ngai hpe sa karum la e. Nye a kaji kawa ni yawng zawn, ngai gaw na a manam sha, jahkring mi tai nga nngai.

PRU MAT 2:24

shanhte a madai sharung ai nsen hpe na ya ai hte Abraham, Isak, Yaku ni hte tawn da ai ga shaka hpe dum wu ai.

PRU MAT 3:12

Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

PRU MAT 6:4

Maigan masha ni zawn shanhte shanu lai wa yu sai Hkanan mung hpe jaw na ngu nna tawn da ai ga sadi, ngai shanhte hte mung ga shaka tawn da se ai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 43:5

Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

TARA JAHPRANG 1:8

Dai yawng gaw nanhte a kaji kawa Abraham, Isak, Yaku hte shanhte a amyu matu mara ni hpe Ngai Madu nan jaw na ngu nna ga sadi tawn da ai lamu ga rai nga li ai. Dai rai nna pru sa nhtawm dai mung hpe madu la masu,’” ngu nna anhte hpe tsun mi ai.

TARA JAHPRANG 34:4

Shaloi dai Madu gaw Mawshe hpe, “Abraham, Isak hte Yaku hte hpe ga sadi tawn nna shanhte a amyu matu ni hpe jaw na ngu ndat da ai mungdan gaw dai rai nga ai; dai hpe nang mu mada la ti mung, dai mung de ngai nang hpe rap sa shangun na ni ai n rai,” ngu nna tsun wu ai.

HPILIPI 4:9

Nye a ga ni hte galaw shamu shamawt ai lam ni hpe mu yu, na yu nna sharin la ai hte hkap la hkan galaw nga mu; shaloi ngwi pyaw ai a npawt Karai Kasang gaw nanhte hte rau anga nga na ra ai.

HEBRE 11:9

Karai Kasang ga sadi jaw da ai mung hta e, shi gaw chyasam manam zawn makam masham hte nga hkawm nga ai. Shi gaw Karai Kasang kaw na shi zawn ga sadi a sali wunli jawm hkam la lu ai Isak hte Yaku zawn jang hpang nta ni hta rawng nga ai.

HEBRE 6:17

Karai Kasang gaw shi a shatawng shada ai lam hpe galai shai kau shangun na n re ai lam ga sadi hte seng ai sali wunli hkam la ai ni hpe asan sha madun dan mayu wu ai; dai re ai majaw, shi a ga sadi hta dagam ai ga jat bang wu ai.