NINGPAWT NINGHPANG 22:9 - Jinghpaw Common Language Bible 2009

⁹ Karai Kasang shi hpe tsun ai shara de shan du lung wa ai shaloi Abraham gaw tawn hkungri galaw nhtawm, de a ntsa e hpun mara garai da wu ai. Dai hpang shi a kasha hpe gyit nna tawn hkungri na hpun ntsa e shi hpe mara tawn wu ai.

Jinghpaw Hanson Version Bible

⁹ Shaloi shan gaw Karai Kasang tsun ai shara de du ma ai rai nna, Abraham gaw dai shara e tawn hkungri galaw nhtawm, hpun mara garai ngut jang, kasha Isak hpe gyit hkang nna, tawn hkungri hta hpun ntsa e mara tawn wu ai.

NINGPAWT NINGHPANG 22:9 ပူးပေါင်းရင်းမြစ်များ

NINGPAWT NINGHPANG 12:7

Dai Madu gaw Abram kaw dan pru nna shi hpe, “Na a amyu matu mara ni hpe ngai jaw na ngu ai mungdan gaw ndai rai nga ai,” ngu nna tsun wu ai. Dai rai nna, shi kaw dan pru ai dai Madu a matu dai shara hta tawn hkungri hpe Abram galaw wu ai.

NINGPAWT NINGHPANG 12:8

Dai hpang dingda maga de yu wa nhtawm Behtela a sinpraw maga na kawng de shi htawt sa let shi a sum hpe Behtela a sinna maga hte Ai mare a sinpraw maga na lapran e gap wu ai. Dai yang e, tawn hkungri hpe mung shi gap nna dai Madu hpe nawku wu ai.

NINGPAWT NINGHPANG 13:18

Dai rai nna Abram gaw shi a sum htawt nna Hebron mare na chyoi pra ai hpun tu ai Mamre ngu ai shara makau e shang nga nga ai hte dai yang e, dai Madu a matu tawn hkungri langai mi shi galaw wu ai.

NINGPAWT NINGHPANG 22:10

Dai hpang Abraham gaw kasha hpe sat na matu nhtu lang da wu ai.

NINGPAWT NINGHPANG 22:8

Abraham chyawm gaw, “Karai Kasang shi nan lama ma lajang ya na ra ai,” ngu nna htan wu ai. Dai hpang shan lahkawng rau sha bai matut lung mat wa ma ai.

NINGPAWT NINGHPANG 8:20

Noa gaw dai Madu a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

1 HKAWHKAM 18:33

Dai hpang tawn hkungri a ntsa e hpun mara nhtawm usu hpe hpya la nna hpun a ntsa e mara da wu ai. Shaloi shi gaw, “Hka yam mali hta hka jahpring nna hkungga hte hpun a ntsa e ru bun mu,” ngu nna tsun wu ai. Shaloi shanhte mung dai hte maren hkan galaw ma ai.

SHAKAWN KUNGDAWN 118:27

Dai Madu gaw Karai Kasang rai nga ai, shi gaw anhte hpe chyeju jaw ya mani ai. Nanhte a lata ni hta hpun lakung ni hpe lang nna, poi hpang ai hte tawn hkungri hpe hkawm shinggrup nga mu.

MAHTE 27:2

Dai hpang shi hpe gyit nhtawm Roma mung gyi Pilat hpang de sa ap kau mu ai.

MARKU 15:1

Jahpawt manap jau jau e, hkinjawng agyi ni gaw, agyi salang ni, tara sara ni hte dai salang kongsi hpawng ting gaw grai tin ai hku bawng jahkrup la nna, Yesu hpe gyit nhtawm, dun mat wa nna, Pilat kaw ap ya mu ai.

KASA 8:32

Shi hti ai laika a ga gaw ndai rai nga ai: “Sat na sagu hpe zawn shi hpe dun sa wa nu ai, Sagu kasha gaw shi a mun rep ai shaloi atsin sha nga ai zawn, shi mung n shaga ai sha nga nga ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

YAKU 2:21

Anhte a ji wa Abraham gaw Karai Kasang a man e ding hpring sharawng awng ai lam hpe gara hku lu la wu ta? Shi gaw shi a kasha Isak hpe tawn hkungri ntsa e sak nawng ai ngu ai magam bungli hta lu la wu ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.