NINGPAWT NINGHPANG 22:3 - Jinghpaw Common Language Bible 2009

³ Hpang jahpawt manap jau jau aten hta, shagu hkungga nat nawng na matu hpun nkau mi hpe Abraham chye ga nna, shi a lawze hta daw byau nhtawm shi hte rau Isak hte shangun ma lahkawng hpe mung woi wu ai. Karai Kasang shi hpe tsun da sai shara de shanhte pru sa mat wa ma ai.

Jinghpaw Hanson Version Bible

³ Dai majaw Abraham gaw jahpawt jau jau rawt nna, lawze daw byau nhtawm, shi kasha Isak hte shangun ma lahkawng hpe shaga la nna, hkungga nat na hpun chye la ngut jang, Karai Kasang shi hpe tsun ai bum de rawt sa wa ai.

NINGPAWT NINGHPANG 22:3 ပူးပေါင်းရင်းမြစ်များ

NINGPAWT NINGHPANG 17:23

Dai shani jang, Abraham gaw Karai Kasang a ga matsun hte maren shi a shadang sha Ishmaela hpe mung, shi a nta na kaga lasha ni yawng hte hpawn shi a nta hta shangai ai mayam lasha ni hte shi mari da sai mayam lasha ni hpe matu gadoi ya wu ai.

NINGPAWT NINGHPANG 21:14

Hpang jahpawt manap jau jau aten hta, Abraham gaw Hagara hpe lusha loi mi hte shanhpyi htingpa hta lu hka ntsin hpring hkra bang nna kasha hte rau dat dat wu ai. Dai hpang ma hpe mung shi a shingma ntsa hta shaba dat ya nhtawm dat dat wu ai. Shi pru mat wa nhtawm Berasheba nam mali hkan kayin hkawm nga ai.

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

NINGPAWT NINGHPANG 22:2

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

NINGPAWT NINGHPANG 22:4

Masum ya sat hkawm ai hpang, Abraham gaw tsan tsan e nga ai dai shara hpe mu wu ai.

SHAKAWN KUNGDAWN 119:60

N kanung nga ai sha, na a hkang da ai ga ni hpe ngai tin tin madat mara hkan sa nga nngai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

YAWSHU 3:1

Yawshu hte Israela amyu masha ni yawng hpang jahpawt e jau jau rawt nhtawm Akasia dabang kaw na pru wa let hka rap sa wa na matu dabang galaw da ai hkring sa shara Yawdan hka de sa wa ma ai.

YAWSHU 8:10

Yawshu gaw jahpawt jau jau rawt nna hpyenla ni hpe shaga shinggyin da wu ai. Dai hpang shi hte Israela ningbaw ni shanhte hpe Ai mare de woi lung wa ma ai.