NINGPAWT NINGHPANG 22:2 - Jinghpaw Common Language Bible 2009

² Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

Jinghpaw Hanson Version Bible

² Shaloi Karai Kasang gaw, “Nang tsawra ai, na shadang sha shingtai Isak hpe woi nna Moria ga de sa wa su; ngai nang hpe madun na ra de ai bum hta shi hpe wan nat hkungga di nna nawng e,” ngu wu ai.

NINGPAWT NINGHPANG 22:2 ပူးပေါင်းရင်းမြစ်များ

NINGPAWT NINGHPANG 17:19

Rai ti mung, Karai Kasang chyawm gaw, “N rai law, na a madu jan Sara nan na a matu shadang sha shangai ya na ra ai; shi hpe Isak ngu nna shamying na rin dai. Shi hte mung, shi a amyu matu ni hte mung shaka da ai nye a ga shaka hpe htani htana ngai shadik nga na nngai. Dai gaw htani htana hte seng ai ga shaka rai nga ai.

NINGPAWT NINGHPANG 21:12

Rai ti mung, Karai Kasang gaw Abraham hpe, “Dai ma hte na a mayam num Hagara a majaw myit hkum ru et! Sara nang hpe tsun matsun ai hku hkan galaw u. Hpa majaw nga yang, ngai ga sadi tawn da ni ai hte maren, Isak hku nna sha na a amyu matu tai na mara ai.

NINGPAWT NINGHPANG 21:3

Abraham mung shi hpe Isak ngu nna shamying nhtawm,

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

NINGPAWT NINGHPANG 22:16

“Ngai gaw nye a mying nsang hta dagam ai hte dai Madu tsun nga ai gaw, ndai amu hpe nang galaw ai hte na a shadang sha shingtai ngai hpe jaw na, nang n kanung nga nit dai majaw ngai nang hpe hkum tsup hkra shaman ya na nngai.

NINGPAWT NINGHPANG 22:3

Hpang jahpawt manap jau jau aten hta, shagu hkungga nat nawng na matu hpun nkau mi hpe Abraham chye ga nna, shi a lawze hta daw byau nhtawm shi hte rau Isak hte shangun ma lahkawng hpe mung woi wu ai. Karai Kasang shi hpe tsun da sai shara de shanhte pru sa mat wa ma ai.

NINGPAWT NINGHPANG 22:9

Karai Kasang shi hpe tsun ai shara de shan du lung wa ai shaloi Abraham gaw tawn hkungri galaw nhtawm, de a ntsa e hpun mara garai da wu ai. Dai hpang shi a kasha hpe gyit nna tawn hkungri na hpun ntsa e shi hpe mara tawn wu ai.

NINGPAWT NINGHPANG 8:20

Noa gaw dai Madu a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

2 HKAWHKAM 3:27

Dai rai nna shi a hkang hta hkaw dung na kasha alat hpe woi la nhtawm mare bunghku ntsa e Moba karai hpe hkungga shatai nna nawng kau wu ai. Shing rai Israela masha ni hkrit kajawng mat ma ai majaw mare kaw nna shanhte htingnut mat wa ai hte tinang nang a mung ga de nhtang mat wa shajang ma ai.

2 HKAWHKAM LABAU 3:1

Shawlumon a kawa Hkawhkam Dawi chyawm gaw Nawku Htingnu gap na shara hkyen lajang da sanu ai. Dai gaw dai Madu Dawi hpe shadan dan sai Yerusalem mare na Moria Bum ntsa ngu na Yebusi masha Arauna lang yu sai chyarang pa hta rai nga ai.

MIHKA 6:7

Sagu la hkying mun hte n htum lu ai tsanlun sau hka shi ni, shi kaw ngai lama la sa wa ai rai yang, dai Madu gaw dai hpe ra sharawng na wu ai kun? Nye a yubak mara a majaw nye a kasha alat hpe gawng malai hkungga tai na ngai shi hpe sak jaw ra na rai nga a ni?

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

HEBRE 11:17

Abraham gaw Karai Kasang e chyam yu hkrum ai shaloi, kam sham ai hte kasha Isak hpe shagu hkungga di nna nawng ya kau wu ai. Abraham gaw Karai Kasang kaw na ga sadi hkam la ai wa rai nga ai, rai ti mung shi gaw shi a kasha shingtai hpe hkungga di nna nawng ya kau na jin nga chyalu rai nga ai.

TARA AGYI 11:31

awng padang hte majan pa kaw nna ngai nhtang wa ai shaloi, ngai hpe shawng hkap tau la na matu nta kaw na pru sa wa ai wa hpe wan nat hkungga shatai nna nawng jau na we ai. Dai wa hpe shagu hkungga zawn ngai nang hpe nawng ya na de ai,” ngu nna ga sadi tawn da wu ai.

TARA AGYI 11:39

Shata lahkawng lai jang, shi gaw shi a kawa hpang de bai nhtang wa wu ai. Shi mung dai Madu hta ga sadi tawn da nu ai hte maren galaw wu ai. Shi gaw hkawn jet naw rai nga ai. Dai kaw nna ndai amu gaw Gilead masha Yephta a shayi sha a majaw numsha ni gaw shaning shagu mali ya ya sharung shayawt ai htung Israela amyu hta nga wa sai.