NINGPAWT NINGHPANG 20:3 - Jinghpaw Common Language Bible 2009

³ Karai Kasang chyawm gaw lana mi na aten hta, yup mang hte shi kaw dan pru nna, “Masha e la da sai ndai num hpe nang woi la nit dai majaw, nang si na rin dai,” ngu nna tsun wu ai.

Jinghpaw Hanson Version Bible

³ Karai Kasang chyawm gaw shana e yup mang hta Abimelek kaw du nna, “Yu u, nang la ai num a majaw, nang masha chyasi rai nit dai; kaning rai nme law, shi masha a num rai nga ai,” ngu nna daru wu ai.

NINGPAWT NINGHPANG 20:3 ပူးပေါင်းရင်းမြစ်များ

NINGPAWT NINGHPANG 12:17

Rai ti mung hkawhkam wa Sarai hpe shaga la kau wu ai majaw shi a ntsa e mung, hkawhkam wang na masha ni a ntsa e mung, hkrit hpa ana zinli hpe dai Madu dat dat wu ai.

NINGPAWT NINGHPANG 12:18

Dai hpang hkawhkam wa gaw Abram hpe shaga la nna, “Nang ngai hpe hpa galaw kau nit ni? Ndai numsha na a madu jan rai nga ai gaw nang ngai hpe hpa majaw n tsun dan n ni?

NINGPAWT NINGHPANG 20:7

Rai ti mung, ya chyawm gaw dai num hpe shi a madu wa a lata de bai ap ya u. Shi myihtoi rai nga ai hte maren, na a matu shi akyu hpyi ya na ra ai; shaloi nang si lu na ndai n rai. Rai ti mung, nang shi hpe n ap ya ai rai yang chyawm gaw nang hte na a masha ni yawng si htum mat na myit dai hpe ngai sadi jaw nga nngai,” ngu nna htan wu ai.

NINGPAWT NINGHPANG 28:12

Dai shaloi ginding aga kaw nna lamu du hkra hkap ai lakang langai mi hta lamu kasa ni lung lung yu yu re ai yup mang hpe shi mu wu ai.

NINGPAWT NINGHPANG 31:24

Karai Kasang mung dai shana e yup mang hta Laban kaw dan pru nhtawm, “Yaku hpe hpa lam hku mung n jahkrit shama ai sha, sadi nga u,” ngu nna tsun wu ai.

NINGPAWT NINGHPANG 37:5

Yosep gaw kalang mi na aten hta yup mang mu nna shi a kahpu ni hpe dai lam hkai dan wu ai. Shanhte gaw shi hpe grau nna n ju nga ma ai.

NINGPAWT NINGHPANG 37:9

Dai hpang Yosep gaw yup mang kaga hpe mung bai mu nna shi a kahpu ni hpe, “Yup mang kaga mung ngai mu se ai; jan shata hte shagan shi langai, ngai hpe nawku dingnyawm ai hpe ngai mu nngai,” ngu nna tsun wu ai.

NINGPAWT NINGHPANG 40:5

Dai yang e, htawng rawng nga ai sabyi jau ai wa hte muk kabaw agyi yan gaw lana jan hta sha,

NINGPAWT NINGHPANG 40:8

Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.

NINGPAWT NINGHPANG 46:2

Karai Kasang mung shana e shingran hta shi hpe, “Yaku, Yaku!,” ngu nna shaga wu ai. Shi mung, “Rai sa, ngai nang e nga nga nngai,” ngu nna htan wu ai.

1 HKAWHKAM LABAU 16:21

Rai ti mung Karai Kasang gaw shanhte hpe dip gamyet sha na ahkang kadai hpe mung n jaw ya nga ai; shanhte hpe makawp maga la na matu hkawhkam ni hpe ning ngu nna sadi jaw wu ai:

YOBA 33:15

Masha ni shana e yup nga yang, Karai Kasang gaw yup mang hte shingran ni hta ga sa shaga nga ai.

YOBA 33:17

Karai Kasang gaw shanhte yubak galaw nga ai hpe jahkring kau shangun na matu mung; gumrawng gumtawng ai masha ni tai wa nga ai kaw nna hkye la na matu mung tsun nga ai.

SHAKAWN KUNGDAWN 105:14

Rai ti mung, Karai Kasang gaw shanhte hpe dip gamyet sha lu na ahkang, kadai hpe mung n jaw ya nga ai; shanhte hpe makawp maga la na matu,

YONA 3:4

Yona dai mare de du hpang nna, lani mi tup hkawm ngut ai hpang, shi gaw, “Nhtoi mali shi ya laman, Ninewe mare hten run mat na ra ai,” ngu nna jahtau tsun wu ai.

BU HKAWM 22:9

Karai Kasang mung Balam kaw du nhtawm, “Nang kaw sa nga nga ai ndai masha ni gaw kadai ni rai nga ma ta?,” ngu nna san wu ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.