NINGPAWT NINGHPANG 20:2 - Jinghpaw Common Language Bible 2009

² Shi a madu jan Sara hpe shi a kajan re nga nna tsun wu ai majaw Gerara Hkawhkam Abimelek mung Sara hpe shi hpang de woi la kau wu ai.

Jinghpaw Hanson Version Bible

² Dai shaloi Abraham gaw shi a madu jan Sara a lam, “Shi gaw ngai jan rai nga ai,” ngu nna tsun wu ai majaw, Gerara hkawhkam Abimelek gaw shangun dat nna Sara hpe la wu ai.

NINGPAWT NINGHPANG 20:2 ပူးပေါင်းရင်းမြစ်များ

NINGPAWT NINGHPANG 12:15

Hkawhkam wang na du salang nkau mi mung dai numsha hpe mu ma ai rai nna, shi kade daram tsawm htap nga ai lam hkawhkam wa hpe tsun dan mu ai; dai rai nna shi gaw hkawhkam htingnu de shaga la ai hkrum wu ai.

NINGPAWT NINGHPANG 20:12

Shi gaw nye a kajan majing mung rai nga ai. Shi gaw nye nu a shayi sha n rai ti mung nye wa a shayi sha rai nga ai rai nna shi hpe ngai la nngai.

NINGPAWT NINGHPANG 21:22

Dai aten hte yang, Abimelek gaw shi a hpyen du Hpikola hte rau sa nna Abraham hpe, “Nang galaw ai lam shagu hta Karai Kasang nang hte rau nga nga ai.

NINGPAWT NINGHPANG 26:1

Abraham a prat hta byin ai hkuwa hta kaga, dai mung e hkuwa kaga mung naw nga nga ai. Isak gaw Gerara mare e nga ai Hpilisti Hkawhkam Abimelek hpang de sa mat wa wu ai.

NINGPAWT NINGHPANG 26:16

Dai hpang Abimelek gaw Isak hpe, “Nang gaw anhte hta grau nna n-gun ja nga nit dai majaw anhte a mungdan kaw nna pru mat wa nu,” ngu nna tsun wu ai.

NINGPAWT NINGHPANG 26:7

Dai yang na lasha ni shi a madu jan a lam hpe san mu ai rai nna, shi gaw ngai jan re, ngu wu ai, hpa majaw nga yang, Rebeka nachying ahpraw tsawm htap nga ai rai nna, dai yang na lasha ni Isak hpe sat kau nhtawm Rebeka hpe woi la kau ya na hpe shi hkrit tsang nga wu ai majaw shi a madu jan rai nga ai hpe shi n yin la gwi wu ai.

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

2 HKAWHKAM LABAU 20:37

Rai ti mung Maresha mare na Dodawahu a kasha Elieza gaw Yehoshahpat hpe, “Ahazia hte jinghku galaw ndai majaw nang galaw da sai amu hpe dai Madu jahten kau ya na ra ai,” ngu nna sadi jaw wu ai. Shaloi dai sanghpaw li ni daw agrawp mat ai rai nna galoi mung n pru sa lu nga sai.

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

GA SHAGAWP 24:16

Ding hpring ai masha wa gaw gade lang kataw ti mung, shi gaw tut nawng e, bai rawt wa lu nga ai; rai ti mung, tsin-yam tsindam gaw tara n lang ai wa hpe jahten sharun kau nga ai.

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

GA SHAGAWP 6:29

Dai amu hpe galaw ai wa gaw masha jan shaw ai wa zawn hkrithpa rai nga ai hte; dai hpe galaw ai wa kadai mung nni nkri hkrum sha na ra ai.

HPAJI NINGLI 7:20

Ndai ginding aga ntsa hta galoi mung n shut n shai ai sha, aten shagu jaw hkrak ai hku amu galaw lu ai masha n nga nga ai.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.