NINGPAWT NINGHPANG 2:7 - Jinghpaw Common Language Bible 2009

⁷ Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

Jinghpaw Hanson Version Bible

⁷ Shaloi Yehowa Karai Kasang gaw aga hta na ga yun hte shinggyim hkrang shachyaw wu ai rai nna, shi a ladi hta hkrung ai nsoi nsa kawut bang ya wu ai: dai rai nna shinggyim masha gaw hkrung nga ai myit masin rawng ai masha tai wa ai.

NINGPAWT NINGHPANG 2:7 ပူးပေါင်းရင်းမြစ်များ

NINGPAWT NINGHPANG 1:27

Dai rai nna Karai Kasang gaw shinggyim masha ni hpe hpan da nna shi hte nan bung wa hkra shan hpe galaw da nga ai. Shi gaw numsha hte lasha hpe hpan da let,

NINGPAWT NINGHPANG 2:6

rai ti mung ga kata na hka rawt lung wa nhtawm ga ntsa ting hpe madit ya nga ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

NINGPAWT NINGHPANG 3:23

Dai rai nna Madu Karai Kasang gaw shan hpe Eden sun kaw nna shapraw kau nhtawm shan a hkrang shachyaw la hkrum ai ga hta shan hpe galaw sha shangun wu ai.

NINGPAWT NINGHPANG 7:22

Ginding aga ntsa na nsoi nsa rawng ai nga manga hte mung si mat ma ai.

YOBA 27:3

Karai Kasang ngai hpe nsoi nsa jaw ya nga dingsa,

YOBA 33:4

Karai Kasang a wenyi gaw ngai hpe hpan da nna asak jaw ya nga sai.

YOBA 33:6

Nang hte ngai gaw Karai Kasang a man e maren sha rai nga ga ai; an lahkawng yan gaw kagam ga hte shachyaw da hkrum ai yan rai nga ga ai.

YOBA 4:19

Ga kagam hkrung kanu hte manut zawn jahten shaza kau lu ai ga nhpu arai ni hta shi kam na ra ai ngu, nang myit nawn da wu ni?

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

SHAKAWN KUNGDAWN 103:14

Anhte hpe hpa hte galaw da nga ai hpe shi chye nga ai; anhte ga nhpu ni rai nga ga ai hpe shi dum nga ai.

GA SHAGAWP 20:27

Dai Madu gaw nanhte hpe machye machyang myit hte htauli htaula myit bang da ya sai; anhte gaw tinang nan kaw nna makoi magap lu nga ga ai n rai.

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

HPAJI NINGLI 3:7

gang je kau ai aten hte kapa ai aten hpe mung, atsin sha nga ai aten hte ga tsun na aten hpe mung masat da ya nga ai.

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

EZEKELA 37:5

Tsaw Htum ai dai Madu ngai nan nrut nra ni hpe ning ngu nna tsun nga ai ga shanhte hpe htawn tsun u: Ngai gaw nanhte hpe nsoi nsa bang ya na nngai, shaloi nanhte asak bai hkrung nga na marin dai.

EZEKELA 37:6

Nanhte a lasaw lasa ni hpe gran da ya nna ahpyi ni hte kayawp da ya na nngai. Ngai gaw nanhte a kata de nsoi nsa bang ya ai hte nanhte mung bai hkrung nga na marin dai. Shaloi, ngai nan dai Madu rai nga nngai hpe nanhte chye lu na marin dai,” ngu nna tsun wu ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 27:16

Madu Karai Kasang e, ndai amyu masha ni hpe woi awn lu nna

YAWHAN 20:22

Shing nga tsun nhtawm, sape ni a ntsa e shi kawut nna, “Chyoi Pra ai Wenyi hpe hkap la mu.

KASA 17:25

Shi nan yawng mayawng hpe hkrung ai asak nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

ROMA 9:20

Jinghku wa e, nang gaw kadai wa mi rai nna Karai Kasang hpe dai hku htan lu n ta? Ga dibu langai mi gaw galaw da ai wa hpe, “Hpa majaw nang ngai hpe ning di galaw da n ta?,” ngu nna san na a ni?

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

1 KORINHTU 15:47

Shawng na masha Adam gaw ga hte hpan da ai rai nna, dinghta ga na rai nga ai; hpang na Adam chyawm gaw sumsing lamu na du sa ai rai nga ai.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

2 KORINHTU 5:1

Dinghta ga hta anhte nga nga ai sum nta ngu ai hkum hkrang gaw hten run mat wa ai shaloi, sumsing lamu e Karai Kasang anhte nga na matu shi nan galaw ya ai htani htana grin nga na ra ai nta anhte lu ga ai hpe anhte chye nga ga ai.

1 TIMOHTI 2:13

Hpa majaw nga yang, Karai Kasang gaw Adam hpe shawng hpan da nna dai hpang e she Ewa hpe bai hpan da nu ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!