NINGPAWT NINGHPANG 2:2 - Jinghpaw Common Language Bible 2009

² Karai Kasang gaw sanit ya nhtoi hta e, shi galaw nu ai amu magam hpe shangut shakre nna bungli galaw ai hpe jahkring da nga ai.

Jinghpaw Hanson Version Bible

² Karai Kasang gaw sanit ya nhtoi hta e shi galaw ai amu magam hpe shangut wu ai: shi galaw nu ai amu mahkra ngut masai rai nna, dai sanit ya nhtoi hta ban nga ai.

NINGPAWT NINGHPANG 2:2 ပူးပေါင်းရင်းမြစ်များ

NINGPAWT NINGHPANG 1:31

Karai Kasang gaw shi galaw da sai amu yawng mayawng hpe yu yu nna, grai myit sharawng awng nga wu ai. Shana lai mat wa nna jahpawt du nga sai, dai gaw kru ya nhtoi rai nga sai.

NINGPAWT NINGHPANG 2:3

Shi gaw sanit ya nhtoi hpe shaman ya nhtawm dai nhtoi hpe laksan shani hku masat da nga ai, hpa majaw nga yang, shi a hpan da ai amu hpe dai shani e shangut nna bungli galaw ai hpe jahkring da nga ai.

PRU MAT 23:12

“Bat mi hta kru ya tup amu bungli galaw lu ti mung, sanit ya ngu na nhtoi hta chyawm gaw galaw lu na n rai; na a matu amu galaw ya nga ai na a mayam ni hte maigan masha ni sha n-ga, na a yam nga ni pyi ban sa la lu na mara ai.

PRU MAT 31:15

Nang gaw nhtoi kru ya tup na a amu galaw lu na rai nga ndai; rai ti mung sanit ya nhtoi chyawm gaw nye a matu ap nawng da ai chyoi pra ai Bansa Nhtoi rai nga ai. Dai shani e amu magam galaw ai wa kadai mung si lu na rai nga ai.

PRU MAT 31:17

Ngai Madu nan kru ya laman sumsing lamu hte ginding aga hpe hpan hpajang da nna, sanit ya nhtoi hta bungli galaw ai hpe jahkring da ai hte ban sa la nngai majaw, dai nhtoi gaw Israela amyu masha ni hte nye a lapran e htani htana na kumla tai nga na ra ai,” ngu nna hkang da wu ai.

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

TARA JAHPRANG 5:14

rai ti mung sanit ya nhtoi gaw nye a matu ap nawng da ai bansa ai shani rai nga ai; dai shani e, nang hte na a shayi shadang sha ni mung, nanhte a mayam ni mung, yam nga ni mung, nanhte a mung hta shanu nga ai maigan masha kadai mung magam bungli shachyen lu na n rai. Nanhte bansa la lu myit dai hte maren mayam ni mung ban sa la na ra nga ma ai.

HEBRE 4:10

Hpa majaw nga yang, Karai Kasang ga ndat jaw da ai ban sa ai hpe hkam la sai ni kadai mung, Karai Kasang ban sa ai zawn, shi a amu bungli hta na ban sa na ra ai.

HEBRE 4:4

Hpa majaw nga yang, Chyum Laika shara mi hta sanit ya nhtoi hte seng nna, “Karai Kasang gaw sanit ya nhtoi hta shi a magam bungli yawng kaw na hkring sa nga ai,” nga nna tsun da nga ai.