NINGPAWT NINGHPANG 2:1 - Jinghpaw Common Language Bible 2009

¹ Shaloi ninggawn tawa ting a amu gaw ngut kre nna hkum tsup nga sai.

Jinghpaw Hanson Version Bible

¹ Shing rai sumsing lamu hte ginding aga gaw, tinang nang a zaw nawng zaw wa yawng hte hte nawng ngut nga masai.

NINGPAWT NINGHPANG 2:1 ပူးပေါင်းရင်းမြစ်များ

NINGPAWT NINGHPANG 1:1

Shawng ningpawt e, Karai Kasang gaw ninggawn tawa hpe hpan da yang,

NINGPAWT NINGHPANG 1:10

Shi gaw dai hkarang ga hpe “Ginding aga,” ngu nna shamying nhtawm shinggyin hpawng nga ai hka hpung ni hpe “Panglai” ngu nna shamying da wu ai. Karai Kasang gaw dai hpe mu nna awng sharawng nga ai.

NINGPAWT NINGHPANG 2:4

Ndai hte gaw ninggawn tawa amu hpe kaning rai hpan da nga ai lam rai nga ai. Dai Madu Karai Kasang gaw ninggawn tawa hpe hpan hpajang da yang,

2 HKAWHKAM 19:15

“O Madu, Israela a Karai Kasang e, singkaw tu ai hkrung kanu ni a ntsa na na a tingnyang ntsa e dung let, nang chyu sha mungkan ga na mungdan yawng mayawng hpe up hkang ai Karai Kasang rai nga ndai. Nang gaw sumsing lamu hte ginding aga hpe hpan da nit dai.

2 HKAWHKAM LABAU 2:12

Sumsing lamu hte ginding aga hpe hpan tawn da ai dai Madu Israela a Karai Kasang hpe shakawn kungdawn mu. Shi gaw dai Madu a matu Nawku Htingnu hte shi a matu hkawhkam htingnu ni hpe ya gap na nga, chye na hkawn hkrang ai nyan hte kung kyang nna hpaji byeng-ya rawng ai kasha Hkawhkam Dawi hpe jaw nu ai.

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

YOBA 12:9

Dai ni yawng gaw dai Madu a lata hte hpan da nga nu ai lam chye nga ai.

SHAKAWN KUNGDAWN 104:2

na a hkum hpe nhtoi hte hpun lawai da nga ndai. Nang gaw sumsing lamu ni hpe sum zawn kahpyan da nna;

SHAKAWN KUNGDAWN 146:6

Shi gaw sumsing lamu hte ginding aga, panglai hte dai hta rawng marawng yawng hte a hpan Madu rai ngai ai. Shi gaw shi a ga sadi ni hpe tut nawng e a shatup nga ai.

SHAKAWN KUNGDAWN 33:6

Madu gaw shi a hkang da ai mungga hte sumsing lamu ni hpe hpan da nu ai; jan, shata hte shagan ni mung, shi tsun dat ai mungga hte byin wa sai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

PRU MAT 20:11

Ngai Madu nan dai kru ya laman e, sumsing lamu hte ginding aga, panglai hte dai hta rawng marawng mahkra hpe hpan shajang da ni ai; rai ti mung, sanit ya shani e chyawm gaw ngai bansa la nngai. Dai re ai majaw, Ngai Madu nan dai Bansa Nhtoi hpe shaman ai hte dai hpe shachyoi shapra da ni ai.

PRU MAT 31:17

Ngai Madu nan kru ya laman sumsing lamu hte ginding aga hpe hpan hpajang da nna, sanit ya nhtoi hta bungli galaw ai hpe jahkring da ai hte ban sa la nngai majaw, dai nhtoi gaw Israela amyu masha ni hte nye a lapran e htani htana na kumla tai nga na ra ai,” ngu nna hkang da wu ai.

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 45:12

Ngai gaw ginding aga hpe gaw da ai hte dai hta nga na matu shinggyim masha ni hpe hpan da nngai. Ngai gaw nye a daru magam n-gun hte sumsing lamu ni hpe kahpyan da nngai; Ngai gaw jan, shata hte shagan ni hpe hkang nngai.

ESAIA 45:18

Dai Madu gaw sumsing lamu ni hpe hpan da nga ai, shi gaw Karai Kasang rai nga ai! Shi gaw ginding aga hpe hkrang galaw shapraw nga ai, shi gaw dai hpe shangang ai hte shagrin da nu ai. Shi gaw dai hpe akrin akraw shara shatai ai n rai, amyu masha ni nga na shara shatai nga ai. Dai majaw shi gaw, “Ngai gaw dai Madu rai nga nngai, karai shaje kaga mi n nga nga ai.

ESAIA 48:13

Nye a lata hte ginding aga a npawt nhpang ni hpe gaw da nna, sumsing lamu ni hpe kahpyan da nngai. Ginding aga hte sumsing lamu hpe ngai shaga dat ai shaloi, dai ni kalang lata du sa nna nga sharat madun dan ma ai.

ESAIA 55:9

Sumsing lamu ni gaw ginding aga hta grau tsaw nga ai zawn, nye a lam ni hte nye a myit mang ai lam ni gaw nanhte hta grau tsaw nga ai.

ESAIA 65:17

Dai Madu gaw, “Ngai gaw ginding aga ningnan hte sumsing lamu ningnan ni hpe hpan da nga nngai. Lai sai aten na mabyin lam ni gaw atsai awai malap kau ai hkrum na ra ai.

YEREMIA 10:12

Dai Madu gaw shi a daru magam n-gun hte ginding aga hpe hpan da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

LUKA 2:13

Ya, dai lamu kasa hte rau, lamu na lamu kasa wunawng wuwa ga daga, akajawng sha dan pru nna, Karai Kasang hpe shakawn kungdawn let,

KASA 4:24

Dai na jang shanhte gaw myit langai sha hte Karai Kasang kaw, “Sumsing lamu hte ginding aga, panglai hte dai hte hta nga manga hpe hpan tawn da ai Madu e,

KASA 7:42

Dai rai nna myihtoi laika hta, “Israela amyu masha ni mali shi ning tup nam mali e nanhte a dusat hkungga ni hpe sat nna nawng jau ai gaw ngai hpe jaw ai n rai myit dai!

TARA JAHPRANG 17:3

dai Madu a hkang da ai ga hte nhtan shai nna kaga karai ni hte jan, shata hte shagan ni hpe nawku let daw jau ai rai yang,

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

HEBRE 4:3

Kam sham ai ni anhte chyawm gaw, Karai Kasang ga ndat jaw da sai ngwi pyaw ban sa ai lam hpe hkam la lu ga ai. Dai gaw, “Ngai shanhte hpe pawt sindawng mawe ai rai nna, ‘Shanhte hpe ngai jaw na ngu ai ngwi pyaw ban sa ai mung de galoi mung n shang lu mu ga,’ ngu nna ngai ga ndat hte dagam da ni ai,’” nga nna shi tsun ai ga hte maren sha rai nga ai. Mungkan ga hpe shi nnan hpan da ai ten kaw nna shi galaw ra ai amu hpe yawng shangut da nu ai. Rai tim ndai ga hpe shi naw tsun wu ai.