NINGPAWT NINGHPANG 13:8 - Jinghpaw Common Language Bible 2009

⁸ Dai hpang Abram gaw Lawt hpe, “An gaw hpu nau rai nga ga ai majaw na a masha ni hte nye a masha ni ga law ga la ai amu hpe n shapraw ang nga ga ai.

Jinghpaw Hanson Version Bible

⁸ Dai rai nna Abram gaw Lawt hpe, “An gaw hpunau rai nga ga ai majaw, ngai hte na a lapran e mung, nye a nga rem ma ni hte na a nga rem ma ni a lapran e mung, ga law ga la n nga u ga;

NINGPAWT NINGHPANG 13:8 ပူးပေါင်းရင်းမြစ်များ

NINGPAWT NINGHPANG 13:9

Dai rai nna an hka saga. Nang ra sharawng ai lamu ga kaning re ai shara hpe rai tim lata la u. Nang maga mi de rai yang, ngai mung kaga maga mi de rai mat wa na nngai,” ngu nna tsun wu ai.

NINGPAWT NINGHPANG 14:14

Ya Abram gaw shi a kanau a kasha hpe rim mat wa ai lam na jang, majan gasat kung ai masha 318 hte hpe shi a sum hta shaga mahkawng la nhtawm dai hkawhkam mali hte hpe Dan mare du hkra hkan shachyut ma ai.

NINGPAWT NINGHPANG 45:24

Shi gaw shi a kahpu kanau ni hpe shangun dat nhtawm shanhte pru wa ai shaloi, shi shanhte hpe, “Hkrun lam hkan e, ndang kalang hkum rai hkat myit,” ngu nna tsun dat wu ai.

NINGPAWT NINGHPANG 46:34

nanhte a jiwoi jiwa ni a prat kaw nna nanhte a prat du hkra, yam nga rem sha ai ni rai nga ga ai, ngu nna tsun na rai myit dai. Dai hku tsun yang sha, shi nanhte hpe Goshen mung e shanu shangun na ra ai,” ngu nna tsun wu ai. Egutu masha ni mahtang sagu bainam rem sha ai ni hte hpa mung n seng mayu nga ma ai majaw dai ga Yosep tsun wu ai.

SHAKAWN KUNGDAWN 133:1

Karai Kasang a amyu masha ni myit hkrum rap ra nna, rau hpawng nga lu ai gaw, kade wa mauhpa rai nga a hka, dai gaw kade wa ngwi pyaw nga a hka!

PRU MAT 2:13

Hpang shani e shi bai pru hkawm wu yang, Hebre masha lahkawng ga law nga ma ai hpe mu wu ai. Shi gaw shut ai wa hpe mahtang, “Nang hpa majaw na a manang Hebre masha wa hpe kayat nga n ta?,” ngu nna san wu ai.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 15:18

Masin kahtet ai gaw ndang kalang hpe shabyin nga ai; hkam sharang ai gaw ngwi pyaw sim sa lam hpe jaw ya nga ai.

GA SHAGAWP 20:3

Angawk ai wa kadai mung dangrang ai lam hpe hpang dat lu nga ma ai; dai zawn rai n galaw ai ni gaw myit su ai lam rai nga ai.

MAHTE 5:9

“Ngwi pyaw simsa lam a matu galaw gunhpai ai ni gaw a lu ma ai; hpa majaw nga yang, shanhte hpe Karai Kasang a kasha ni, ngu nna shamying na maru ai!

KASA 7:26

Hpang shani e Israela la lahkawng shada da gasat hkat nga ai hpe sa mu hkrup nna shi gaw shan a lapran e shangwi shapyaw htingram na matu, ‘hkau yan e, nan gaw hpu nau Israela shada she rai yang me, hpa rai gasat hkat nga myit ta?,’ ngu nna nem mu ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.

1 HTESALONI 4:9

Nanhte a kam sham ai hpu nau ni hpe tsaw ra na lam hte seng nna ngai nanhte hpang de ka dat shara n nga sai. Shada da tsaw ra nga na lam Karai Kasang e sharin achyin ai hpe nanhte hkam la manit dai.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

HEBRE 13:1

Nanhte gaw Hkristan hpu nau ni rai nga myit dai hte maren shada da tsaw ra nga mu.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

1 YAWHAN 4:7

Tsaw ra ai ni e, anhte shada da tsaw ra nga ga; hpa majaw nga yang, tsaw ra ai myit gaw Karai Kasang kaw na rai nga ai. Tsaw ra chye ai wa kadai rai ti mung, Karai Kasang a kasha rai nna Karai Kasang hpe chye chyang nga ai.

TARA AGYI 9:26

Dai hpang Ebed a kasha Gala gaw shi a kahpu kanau ni hte rau Shehkem mare de du sa ma ai. Shehkem masha ni mung shi hpe kam hpa nga ma ai.