NINGPAWT NINGHPANG 13:2 - Jinghpaw Common Language Bible 2009

² Abram chyawm gaw sagu, bainam hte nga dumsu sut hte mung, aja gumhpraw sut hte mung ja ja lu su nga ai.

Jinghpaw Hanson Version Bible

² Abram chyawm gaw yamnga sut mung, aja, gumhpraw sut mung ja ja lu su nga ai.

NINGPAWT NINGHPANG 13:2 ပူးပေါင်းရင်းမြစ်များ

NINGPAWT NINGHPANG 12:16

Dai numsha a majaw hkawhkam wa gaw Abram hpe atsawm sha hku la nhtawm shi hpe sagu, bainam, dumsu, lawze, mayam ni hte gawla-uk ni hpe hpung hte hpung jaw ya wu ai.

NINGPAWT NINGHPANG 13:6

Shan hta yam nga sut nau law htam wa ai majaw, shan lahkawng shara sha nga na gaw lamu ga udat shara n shang nga malu ai.

NINGPAWT NINGHPANG 24:1

Ya Abraham gaw grai dingla wa nna prat kaba nga sai; dai Madu mung shi galaw ai lam shagu hpe shaman ya nu ai.

NINGPAWT NINGHPANG 24:35

“Dai Madu gaw nye a madu hpe grai shaman ya nu ai hte sut su shangun nu ai. Dai sha n-ga, sagu, bainam hte dumsu uhpung ni hpe mung, aja gumhpraw ni hte hpawn mayam num mayam la ni, gawla-uk ni hte lawze ni hpe mung shi jaw ya nu ai.

NINGPAWT NINGHPANG 26:14

Sagu dumsu uhpung hte shangun ma law law shi lu ai majaw Hpilisti masha ni shi hpe yu manawn nga ma ai.

NINGPAWT NINGHPANG 30:43

Ndai lam hku nna, Yaku gaw grai lu su ai wa tai wa nna sagu bainam hpung, mayam num mayam la, gawla-uk ni hte lawze law law hpe shi lu la wu ai.

YOBA 1:10

Nang gaw shi hpe mung, shi a dinghku hpe mung, shi madu da ai arung arai shagu hte hpe tut nawng makawp maga ya nga ndai. Shi galaw ai amu shagu hpe nang shaman ya nna, mungdan ting hpring wa lu hkra yam nga law law nang shi hpe jaw ya nit dai.

YOBA 1:3

sagu hkying sanit, gawla-uk hkying masum, dumsu hkying mi hte lawze manga tsa madu da nga ai. Shi gaw shangun ma law law lu ai rai nna Sinpraw mung hta sut su htum ai wa rai nga ai.

GA SHAGAWP 10:22

Dai Madu a shaman chyeju gaw nang hpe ngamu ngamai shangun nna, bungli shaja ai gaw na sut gan hpe yawn hkyen lam jat ya nga ai n rai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

1 SAMUELA 2:7

Shi gaw masha nkau mi hpe matsan kau shangun nna, kaga ni hpe lu su shangun nga ai; shi gaw masha nkau mi hpe shagrit kau nna kaga ni hpe galu kaba shangun nga ai.