NINGPAWT NINGHPANG 12:3 - Jinghpaw Common Language Bible 2009

³ Nang hpe shaman ya ai wa hpe ngai shaman ya na nngai, Rai ti mung nang hpe dagam ai wa hpe ngai dagam kau na nngai. Na a marang e, amyu baw yawng hte hpe ngai shaman ya na nngai,” ngu nna tsun wu ai.

Jinghpaw Hanson Version Bible

³ Nang hpe shaman ai wa hpe, ngai shaman ya na we ai; nang hpe dagam ai wa hpe ngai dagam kau na we ai: na a marang e ga ntsa na masha amyu shagu gumring gumrat lu la shajang na mara ai,” ngu nna shaga wu ai.

NINGPAWT NINGHPANG 12:3 ပူးပေါင်းရင်းမြစ်များ

NINGPAWT NINGHPANG 18:18

Shi a amyu matu ni mung galu kaba wa nna n-gun hte hpring ai amyu tai wa na mara ai; Shi a jaw e, amyu baw ni yawng hpe ngai shaman ya na nngai.

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

NINGPAWT NINGHPANG 24:35

“Dai Madu gaw nye a madu hpe grai shaman ya nu ai hte sut su shangun nu ai. Dai sha n-ga, sagu, bainam hte dumsu uhpung ni hpe mung, aja gumhpraw ni hte hpawn mayam num mayam la ni, gawla-uk ni hte lawze ni hpe mung shi jaw ya nu ai.

NINGPAWT NINGHPANG 25:11

Abraham si mat ai hpang, Karai Kasang gaw, “Ngai Hpe Mu Ai Asak Hkrung Nga Ai Hka Htung” a makau e shanu nga ai shi a shadang sha Isak hpe shaman ya wu ai.

NINGPAWT NINGHPANG 26:29

Anhte nang hpe n machyi shangun ga ai zawn nang mung anhte hpe n machyi shangun na ga sadi hkam la na matu anhte ra sharawng nga ga ai. Nang hpe anhte yu matsan dum ga ai majaw ngwi pyaw simsa ai hte nanhte hpe pru wa shangun saga ai. Dai Madu nang hpe shaman ya nga sai gaw hpa ung ang shara n nga nga ai.

NINGPAWT NINGHPANG 26:4

Na a mayu matu ni hpe lamu na shagan ni zawn ngai shalaw na mawe ai rai nna, dai ni yawng hpe ndai mung ting ngai jaw na mawe ai. Amyu baw ni yawng mung na a amyu matu ni hpe ngai shaman ya ni ai hte maren shanhte hpe shaman ya na matu hpyi lajin wa na mara ai.

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

NINGPAWT NINGHPANG 28:14

Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai.

NINGPAWT NINGHPANG 30:27

Laban gaw shi hpe, “Ndai lam ngai naw tsun yu n ga; na a majaw dai Madu ngai hpe shaman ya ni ai gaw wenyi a n-gun atsam a jaw e ngai dum chye ni ai.

NINGPAWT NINGHPANG 30:30

Ngai garai n du yang, na a sut gan loi sha mi she rai nga lit dai. Ya chyawm gaw manu mana jat wa nit dai. Ngai du ai shara shagu hta dai Madu nang hpe shaman ya nit dai. Ya chyawm gaw nye a sut gan amyat shachyip la na aten mung rai nga sali ai,” ngu nna htan wu ai.

NINGPAWT NINGHPANG 39:5

Yosep a majaw, dai aten kaw nna dai Madu mung Egutu mung na dai masha wa a nta dinghku hte shi a sun hkauna na shi lu ai arai shagu hte hpe shaman ya wu ai.

SHAKAWN KUNGDAWN 72:17

Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

PRU MAT 23:22

Rai ti mung, shi a ga madat mara nna, ngai hkang da ai lam shagu hpe hkan galaw nga yang chyawm gaw na a gumlau hpyen ni yawng hpe ngai gasat kau ya na nngai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

MAHTE 25:45

Dai rai nna Hkawhkam wa gaw, ‘Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,’ ngu nna shanhte hpe htan mu ai.

LUKA 24:27

Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

ROMA 4:11

Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

GALATI 3:16

Ya Karai Kasang gaw shi a ga ndat ni hpe Abraham hte shi a aru arat hpe jaw da mu ai. Chyum laika gaw, “Aru arat law law,” shing n rai masha law law, ngu ai ga hpe n lang ai. “Na a aru arat” ngu ai langai wa hpe sha tsun nga ai rai nna dai gaw Hkristu hpe ngu ai rai nga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.