NINGPAWT NINGHPANG 11:1 - Jinghpaw Common Language Bible 2009

¹ Shawng e, mungkan ga ting na masha amyu ni hta tsun shaga ai ga langai sha nga ai rai nna dai ga hpe lang nga ma ai.

Jinghpaw Hanson Version Bible

¹ Ya ga ntsa ting hta e n-gup ga langai sha hte tsun ai hku langai sha rai nga malu ai.

NINGPAWT NINGHPANG 11:1 ပူးပေါင်းရင်းမြစ်များ

NINGPAWT NINGHPANG 10:32

Ndai amyu masha ni yawng hte gaw Noa a matu mara ni hta na pra hkrat wa ai hte lakung lama hta hkan nna langai hte langai ran wa ai amyu baw ni a lam rai nga ai. Dai sha-u ing ai hpang ginding aga hta pra nga ai amyu baw ni yawng gaw Noa a shadang sha ni hta na ran yu wa ai ni rai ma ai.

NINGPAWT NINGHPANG 11:2

Shanhte gaw sinpraw maga de htawt hkawm nga ma yang, Babelon mung hta nga ai pa layang langai mi de du nna dai yang e de nga ma ai.

NINGPAWT NINGHPANG 11:6

Shi gaw, “Yu mu, ndai ni yawng gaw amyu langai sha rai nna ga langai hpe sha shanhte shaga nga ma ai; ndai gaw shanhte nnan galaw hpang ai amu rai nga malu ai. Kade n na yang, shanhte ra sharawng hpa lam hpe mung shanhte galaw lu na mara ai!

ESAIA 19:18

Dai aten du ai shaloi, Egutu mung na mare manga hta Hebre ga shaga wa na mara ai. Dai masha ni gaw Chyahtum Chyalai N-gun rawng nga ai dai Madu a mying nsang hta shanhte a ga shaka dagam da na mara ai. Mare langai mi gaw “Jan a Mare,” ngu shamying hkrum na ra ai.

ZEHPANI 3:9

“Dai hpang, ngai gaw masha amyu baw ni hpe galai kau nna shanhte gaw kaga hpara ni hpe n nawku ai sha ngai kaw chyu akyu hpyi wa na mara ai. Shanhte yawng nye a ga matsun ni hpe madat mara hkan sa na mara ai.

KASA 2:6

Shanhte dai nsen hpe na ma yang, masha wunawng wuwa hpawng nga ma ai. Kam sham ai ni hkai dan ai lam ni hpe kadai mung kadai tinang amyu ga hku na la lu ai majaw shanhte mau mat ma ai.