NINGPAWT NINGHPANG 1:9 - Jinghpaw Common Language Bible 2009

⁹ Dai hpang Karai Kasang gaw, “Lamu kata e nga ai hka hpung ni shara mi hta shinggyin hpawng nga u ga, shaloi hkarang ga dawng pru wa na ra ai,” ngu nna hkang dat wu yang, dai mung byin nga sai.

Jinghpaw Hanson Version Bible

⁹ Bai Karai Kasang gaw, “lamu kata e nga ai hka hpung ni, shara mi hta shinggyin hpawng nga nna hkarang ga dawng pru u ga,” nga ai: dai mung shing rai nga ai.

NINGPAWT NINGHPANG 1:9 ပူးပေါင်းရင်းမြစ်များ

NINGPAWT NINGHPANG 1:8

Shi gaw lamu madin hpe “Sumsing lamu” ngu nna shamying wu ai. Shana gaw lai mat wa nna jahpawt du nga sai, dai gaw lahkawng ya nhtoi rai nga sai.

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

YOBA 26:10

Shi gaw nsin kaw nna nhtoi hpe garan jahka da nna; panglai hka man ntsa e lamu htumpa tawn da wu ai.

YOBA 26:7

Karai Kasang gaw dingdung maga de na lamu hpe kahpyan da nna, ginding aga hpe hpa mung n nga ai hpatwat e noi da wu ai.

SHAKAWN KUNGDAWN 104:3

lamu madin hta nga ai hka ni a ntsa e, na a nta hpe gap da nga ndai. Nang gaw sumwi ni hpe na a gumra leng zawn, nang akyu jashawn nna; nbung a singkaw ntsa e, nang jawn nga ndai.

SHAKAWN KUNGDAWN 33:7

Shi gaw hka panglai ni yawng hpe shara langai mi hta sumpum gumdin da nga ai; sung ai nammukdara hka ni hpe dum ni hta la shingdang da nu ai.

SHAKAWN KUNGDAWN 95:5

Shi hpan da ai panglai hka hte shi hkum nan hkrang shapraw gaw da ai lamu ga hpe mung, shi up nga ai.

HPAJI NINGLI 1:7

Hka nu shagu gaw panglai de lwi yu nga ai; rai ti mung panglai chyawm gaw hpring wa ai n rai. Hka gaw hka nu a hka hpawk shara de nhtang wa nna bai hpang la la rai nga ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

YONA 1:9

Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

2 PETRU 3:5

Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!