NINGPAWT NINGHPANG 1:8 - Jinghpaw Common Language Bible 2009

⁸ Shi gaw lamu madin hpe “Sumsing lamu” ngu nna shamying wu ai. Shana gaw lai mat wa nna jahpawt du nga sai, dai gaw lahkawng ya nhtoi rai nga sai.

Jinghpaw Hanson Version Bible

⁸ Karai Kasang gaw dai lamu madin hpe, “Sumsing lamu,” ngu nna shamying wu ai. Shaloi shana hte jahpawt gaw, ni ni nhtoi hta tai ma ai.

NINGPAWT NINGHPANG 1:8 ပူးပေါင်းရင်းမြစ်များ

NINGPAWT NINGHPANG 1:10

Shi gaw dai hkarang ga hpe “Ginding aga,” ngu nna shamying nhtawm shinggyin hpawng nga ai hka hpung ni hpe “Panglai” ngu nna shamying da wu ai. Karai Kasang gaw dai hpe mu nna awng sharawng nga ai.

NINGPAWT NINGHPANG 1:13

Shana gaw lai mat wa nna jahpawt du nga sai, dai gaw masum ya nhtoi rai nga sai.

NINGPAWT NINGHPANG 1:19

Shana gaw lai mat wa nna jahpawt du nga sai, dai gaw mali ya nhtoi rai nga sai.

NINGPAWT NINGHPANG 1:23

Shana gaw lai mat wa nna jahpawt du nga sai, dai gaw manga ya nhtoi rai nga sai.

NINGPAWT NINGHPANG 1:31

Karai Kasang gaw shi galaw da sai amu yawng mayawng hpe yu yu nna, grai myit sharawng awng nga wu ai. Shana lai mat wa nna jahpawt du nga sai, dai gaw kru ya nhtoi rai nga sai.

NINGPAWT NINGHPANG 1:5

shi gaw nhtoi hpe “Shani” nsin hpe “Shana” ngu nna shamying wu ai. Shana gaw lai mat wa nna jahpawt du nga sai, dai gaw langai ya nhtoi rai nga sai.

NINGPAWT NINGHPANG 1:9

Dai hpang Karai Kasang gaw, “Lamu kata e nga ai hka hpung ni shara mi hta shinggyin hpawng nga u ga, shaloi hkarang ga dawng pru wa na ra ai,” ngu nna hkang dat wu yang, dai mung byin nga sai.

NINGPAWT NINGHPANG 5:2

Shi gaw numsha hte lasha hpe hpan da nna dai ni hpe shaman ya nhtawm shanhte hpe, “Shinggyim Masha,” ngu nna shamying wu ai.

SHAKAWN KUNGDAWN 136:5

Shi a hpaji hte sumsing lamu hpe shi hpan da nu ai; shi a tsaw ra myit htani htana agrin nga ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.