NINGPAWT NINGHPANG 1:5 - Jinghpaw Common Language Bible 2009

⁵ shi gaw nhtoi hpe “Shani” nsin hpe “Shana” ngu nna shamying wu ai. Shana gaw lai mat wa nna jahpawt du nga sai, dai gaw langai ya nhtoi rai nga sai.

Jinghpaw Hanson Version Bible

⁵ Karai Kasang gaw dai ahtoi hpe, “Shani,” dai nsin hpe, “Shana,” ngu nna, shamying wu ai. Shaloi shana hte jahpawt gaw, nhtoi langai ngu na hta tai ma ai.

NINGPAWT NINGHPANG 1:5 ပူးပေါင်းရင်းမြစ်များ

NINGPAWT NINGHPANG 1:13

Shana gaw lai mat wa nna jahpawt du nga sai, dai gaw masum ya nhtoi rai nga sai.

NINGPAWT NINGHPANG 1:19

Shana gaw lai mat wa nna jahpawt du nga sai, dai gaw mali ya nhtoi rai nga sai.

NINGPAWT NINGHPANG 1:23

Shana gaw lai mat wa nna jahpawt du nga sai, dai gaw manga ya nhtoi rai nga sai.

NINGPAWT NINGHPANG 1:31

Karai Kasang gaw shi galaw da sai amu yawng mayawng hpe yu yu nna, grai myit sharawng awng nga wu ai. Shana lai mat wa nna jahpawt du nga sai, dai gaw kru ya nhtoi rai nga sai.

NINGPAWT NINGHPANG 1:8

Shi gaw lamu madin hpe “Sumsing lamu” ngu nna shamying wu ai. Shana gaw lai mat wa nna jahpawt du nga sai, dai gaw lahkawng ya nhtoi rai nga sai.

NINGPAWT NINGHPANG 8:22

Ginding aga grin nga dingsa, nli gat ai aten hte shu la ai aten, anga nga na ra ai. Bai kashung ai hte kahtet ai, nlum ta hte nshung ta, shani hte shana mung tut nawng agrin nga na ra ai,” nga nna shi a kraw e tsun nga ai.

SHAKAWN KUNGDAWN 104:20

Shana hpe nang hpan da nna nsin e, nam na matse labye ni yawng pru hkawm nga ma ai.

SHAKAWN KUNGDAWN 19:2

Lani hte lani shi a hpung shingkang hpe shana ya nna; lana hte lana dai lam hpe kahtap tsun dan nga ai.

SHAKAWN KUNGDAWN 65:8

Na a magam amu ni gaw mungkan ga a jahtum shara maga mi kaw nna maga mi de du hkra, kabu gara jahtau garu shangun nga ai. Nang galaw dan sai galu kaba ai lamik kumla ni a majaw, mungkan ga ting mau mahka nga ma ai.

SHAKAWN KUNGDAWN 74:16

Nang gaw shani hte shana hpe hpan da nna, jan hte shata yan hpe dai yan a nga shara ni hta nang masat tawn da nga ndai.

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

YEREMIA 33:20

“Ngai gaw shani hte shana hte ga shaka tawn da ni ai, dai gaw shanhte hpe masat da ai ahkying hta tut nawng hkawm nga na ra ai; ga shaka tawn ai shani hte shana gaw galoi mung galai shai mat na ra ai n rai.

BU HKAWM 20:29

Arun n nga mat sai hpe shawa hpung ting mu ma yang, shanhte yawng gaw shi a matu nhtoi sumshi ya tup hkrap ngu hkrap ngoi rai ma ai.

1 KORINHTU 3:13

Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai.

EHPESU 5:13

Dai lam ni nga manga hte hpe nhtoi de shapraw shadan dat ai shaloi, shanhte a lai kyang madung majing gaw dan dawng wa ai.

1 HTESALONI 5:5

Hpa majaw nga yang, nanhte yawng gaw nhtoi a kashu kasha ni rai nna shani a kashu kasha ni mung rai nga myit dai. Anhte gaw shana a kashu kasha ni mung n rai, nsin a kashu kasha ni mung n rai ga ai.