NINGPAWT NINGHPANG 1:2 - Jinghpaw Common Language Bible 2009

² ginding aga gaw hkrang kata akrin akraw rai nga ai. Yawng mayawng hpe ka-up da ai dai wu kadu ai nammukdara gaw sin mak ai nsin hta rawng nga ai hte Karai Kasang a Wenyi mung hka hpung ni a ntsa e shamu hkawm nga ai.

Jinghpaw Hanson Version Bible

² Ginding aga chyawm gaw akrin ayang re ai hte asan awan rai nga ai; nsin mung sung ai shara e sin up nga ai rai nna, Karai Kasang a Wenyi gaw hka hpung ni a ntsa e ahpum nga ai.

NINGPAWT NINGHPANG 1:2 ပူးပေါင်းရင်းမြစ်များ

YOBA 26:14

Rai ti mung dai ni gaw shi a daru magam n-gun a ga machyan ni sha naw rai nga ai; anhte na yu ai gaw kahte tsun ai ga ni sha naw rai nga ai. Karai Kasang gaw teng teng kade wa galu kaba nga ai hpe kadai chye lu a ta?

YOBA 26:7

Karai Kasang gaw dingdung maga de na lamu hpe kahpyan da nna, ginding aga hpe hpa mung n nga ai hpatwat e noi da wu ai.

YOBA 38:9

Ngai gaw panglai hpe sumwi hte ka-up da nna; dai hpe nsin hta kayawp bang da nngai.

YOBA 41:32

Shi lai wa ai lam hkang gaw tu ala nga ai rai nna; panglai hpe hkumbawp hpraw shatai kau wu ai.

SHAKAWN KUNGDAWN 104:30

Rai ti mung, nang shanhte hpe nsoi nsa gawut bang dat ai hte shanhte hpe hpan da nga ndai; shing rai, nang gaw mungkan ga hpe asak ningnan jaw ya nga ndai.

SHAKAWN KUNGDAWN 104:6

Dai ginding aga ntsa e, nammukdara hpe nba zawn, nang magap da nna; hka mung bum ni hpe ka-up da nga ai.

SHAKAWN KUNGDAWN 136:6

Shi gaw sung ai hka ni a ntsa e, ginding aga hpe gaw da nga ai; shi a tsaw ra myit htani htana agrin nga ai.

SHAKAWN KUNGDAWN 148:7

Panglai baren numraw ni, sung ai nammukdara yawng, myi hprap hte sin, hkyen hte sumwi, shi a mungga hpe madat mara ai nbung laru ni e, mungkan ga kaw nna, dai Madu hpe shakawn nga mu.

SHAKAWN KUNGDAWN 33:6

Madu gaw shi a hkang da ai mungga hte sumsing lamu ni hpe hpan da nu ai; jan, shata hte shagan ni mung, shi tsun dat ai mungga hte byin wa sai.

GA SHAGAWP 8:24

Sung htum ai nammukdara hte hka hpawk ni garai n nga ai a shawng e; ngai shangai ni ai.

ESAIA 31:5

U gaw shi a tsip ntsa e pyen kayin nna u hkalung ni hpe makawp maga ai zawn Chyahtum Chyalai N-gun rawng ai dai Madu Ngai mung Yerusalem hpe makawp maga nna dai hpe shadaw shangang na nngai.

ESAIA 45:18

Dai Madu gaw sumsing lamu ni hpe hpan da nga ai, shi gaw Karai Kasang rai nga ai! Shi gaw ginding aga hpe hkrang galaw shapraw nga ai, shi gaw dai hpe shangang ai hte shagrin da nu ai. Shi gaw dai hpe akrin akraw shara shatai ai n rai, amyu masha ni nga na shara shatai nga ai. Dai majaw shi gaw, “Ngai gaw dai Madu rai nga nngai, karai shaje kaga mi n nga nga ai.

YEREMIA 4:23

Ginding aga hpe ngai mada yu ai shaloi-dai gaw akrin ayang rai nga ai; sumsing lamu de mada yu ai shaloi, nhtoi n nga nga ai.

NAHUM 2:10

Ninewe gaw jahten hkrum, kabai da hkrum, akrin akraw shara tai mat sai! Myit masin ni hkrit myit hte byawng mat sai; lahput ni gari ashun, n-gun lagaw htum sai; myi man ni chyang mat sai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

TARA JAHPRANG 32:11

Galang gaw shi a ulung ni hpe pyen sharin na matu, singkaw kahpyan nhtawm de a ntsa e shalen nna shim ai hku awn la ai zawn, dai Madu mung Israela hpe hkrat mat ai kaw na makawp maga la nga ai.