NINGPAWT NINGHPANG 1:1 - Jinghpaw Common Language Bible 2009

¹ Shawng ningpawt e, Karai Kasang gaw ninggawn tawa hpe hpan da yang,

Jinghpaw Hanson Version Bible

¹ Shawng ningpawt e Karai Kasang gaw sumsing lamu hte ginding aga hpe hpan da wu ai.

NINGPAWT NINGHPANG 1:1 ပူးပေါင်းရင်းမြစ်များ

2 HKAWHKAM 19:15

“O Madu, Israela a Karai Kasang e, singkaw tu ai hkrung kanu ni a ntsa na na a tingnyang ntsa e dung let, nang chyu sha mungkan ga na mungdan yawng mayawng hpe up hkang ai Karai Kasang rai nga ndai. Nang gaw sumsing lamu hte ginding aga hpe hpan da nit dai.

1 HKAWHKAM LABAU 16:26

Kaga amyu baw ni yawng a karai ni gaw hpara sumla ni hkrai rai nga ai; rai ti mung dai Madu chyawm gaw sumsing lamu ni hpe hpan da nu ai.

2 HKAWHKAM LABAU 2:11

Hkawhkam Hiram gaw Shawlumon hpang de laika langai htang shana dat wu ai. Shi gaw, “Dai Madu gaw shi a amyu masha ni hpe tsaw ra nga ai majaw shi nang hpe shanhte a hkawhkam shatai nu ai.

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

YOBA 26:13

Shi a nsa hte sumsing lamu hpe jasan nna, shi a lata hte hprawng lawt ai numraw hpe sat kau nga ai.

YOBA 38:4

Mungkan ga hpe ngai hpan da ai shaloi, dai yang e nang nga nga a ni? Nang grai chye ai rai yang, dai hte seng ai lam ngai hpe tsun dan e.

YOBA 9:8

Karai Kasang gaw sumsing lamu ni hpe kahpyan da nna, panglai numraw shingma ntsa hta shi kabye nga yang, kadai mung karum ai n rai.

SHAKAWN KUNGDAWN 102:25

Nang gaw, moi moi e, ginding aga hpe hpan da nit dai, na a lata ni hte sumsing lamu ni hpe nang nan galaw da nga nit dai.

SHAKAWN KUNGDAWN 104:24

Madu e, nang gaw amyu baw sumhpa hpe galaw da nit dai! Nang gaw yawng mayawng hte hpe hpaji rawng ai hku galaw da ni hka! Mungkan ga gaw nang hpan da ai hkrung mahkrung ni hte hpring nga ai.

SHAKAWN KUNGDAWN 104:30

Rai ti mung, nang shanhte hpe nsoi nsa gawut bang dat ai hte shanhte hpe hpan da nga ndai; shing rai, nang gaw mungkan ga hpe asak ningnan jaw ya nga ndai.

SHAKAWN KUNGDAWN 115:15

Sumsing lamu hte ginding aga hpe hpan tawn da ai, Madu gaw nanhte hpe shaman ya nga u ga!

SHAKAWN KUNGDAWN 121:2

Sumsing lamu hte ginding aga hpe hpan tawn da ai dai Madu kaw nna ngai hpe karum ai lam pru wa na ra ai.

SHAKAWN KUNGDAWN 124:8

Sumsing lamu hte ginding aga hpe hpan da ai dai Madu kaw nna, anhte hpe karum ai lam pru wa nga ai.

SHAKAWN KUNGDAWN 134:3

Sumsing lamu hte ginding aga hpe hpan tawn da ai dai Madu gaw Ziun Bum kaw nna nanhte hpe shaman ya nga u ga law!

SHAKAWN KUNGDAWN 136:5

Shi a hpaji hte sumsing lamu hpe shi hpan da nu ai; shi a tsaw ra myit htani htana agrin nga ai.

SHAKAWN KUNGDAWN 146:6

Shi gaw sumsing lamu hte ginding aga, panglai hte dai hta rawng marawng yawng hte a hpan Madu rai ngai ai. Shi gaw shi a ga sadi ni hpe tut nawng e a shatup nga ai.

SHAKAWN KUNGDAWN 33:6

Madu gaw shi a hkang da ai mungga hte sumsing lamu ni hpe hpan da nu ai; jan, shata hte shagan ni mung, shi tsun dat ai mungga hte byin wa sai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

SHAKAWN KUNGDAWN 8:3

Nang hpan tawn da ai lamu hpe ngai mada yu ai shaloi; nang gaw shata hte shagan ni hpe shanhte a shara ni hta tawn da nga ndai.

SHAKAWN KUNGDAWN 8:4

Mungkan masha ngu ai gaw kadai wa rai nna nang myit du ya nga n ni? Si chye ai wa sha hpe, nang hpa rai n-gaw nwai myit madun nga n ni?

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

SHAKAWN KUNGDAWN 96:5

Kaga tsasam amyu baw ni yawng hte a karai ni gaw hpara sumla ni hkrai rai nga ma ai; rai ti mung, dai Madu chyawm gaw sumsing lamu ni hpe hpan da nu ai.

PRU MAT 20:11

Ngai Madu nan dai kru ya laman e, sumsing lamu hte ginding aga, panglai hte dai hta rawng marawng mahkra hpe hpan shajang da ni ai; rai ti mung, sanit ya shani e chyawm gaw ngai bansa la nngai. Dai re ai majaw, Ngai Madu nan dai Bansa Nhtoi hpe shaman ai hte dai hpe shachyoi shapra da ni ai.

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

GA SHAGAWP 16:4

Dai Madu gaw yawng mayawng a jahtum na byin maka hpe lajang da nu ai; tara n lang ai ni a jahtum na byin maka gaw hten run lam rai nga ai.

GA SHAGAWP 3:19

Dai Madu gaw shi a hpaji byeng-ya hte ginding aga hpe hpan da nna; shi a chye chyang ai nyan hte sumsing lamu hpe hpajang da nu ai.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

ESAIA 37:16

“Singkaw tu ai hkrung kanu ni a ntsa e dung nga ai Chyahtum Chyalai N-gun rawng nga ai dai Madu Israela a Karai Kasang e, nang gaw mungkan ga na mungdan yawng mayawng hpe up ai Karai Kasang nang chyu sha rai nga ndai. Nang gaw ginding aga hte sumsing lamu hpe hpan da nga ndai.

ESAIA 40:21

Nang n chye n ni? Moi chyaloi nhkoi kaw nna nang hpe n tsun dan yu a ni? Mungkan ga gara hku lat hpang wa ai hpe nang n na yu n ni?

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

ESAIA 40:28

Nang n chye n ni? Nang n na yu n ni? Dai Madu gaw tut nawng agrin nga ai Karai Kasang rai nga ai; shi gaw mungkan ga yawng hpe hpan da nga ai. Shi gaw galoi mung gawng run ai n rai, hki ba ai n rai. Kadai mung shi a myit mang ai lam ni hpe n chye lu nga ai.

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 44:24

“Ngai gaw nang hpe hkye hkrang la ai dai Madu rai nga nngai; Ngai gaw nang hpe hpan da ai wa rai nngai. Ngai gaw arai yawng mayawng hpe Hpan Da Ai Wa, dai Madu rai nga nngai. Ngai chyu sha sumsing lamu ni hpe kahpyan da nngai; Ginding aga hpe ngai hpan ai shaloi, kadai mung ngai hpe n karum nga ai.

ESAIA 45:18

Dai Madu gaw sumsing lamu ni hpe hpan da nga ai, shi gaw Karai Kasang rai nga ai! Shi gaw ginding aga hpe hkrang galaw shapraw nga ai, shi gaw dai hpe shangang ai hte shagrin da nu ai. Shi gaw dai hpe akrin akraw shara shatai ai n rai, amyu masha ni nga na shara shatai nga ai. Dai majaw shi gaw, “Ngai gaw dai Madu rai nga nngai, karai shaje kaga mi n nga nga ai.

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 65:17

Dai Madu gaw, “Ngai gaw ginding aga ningnan hte sumsing lamu ningnan ni hpe hpan da nga nngai. Lai sai aten na mabyin lam ni gaw atsai awai malap kau ai hkrum na ra ai.

YEREMIA 10:12

Dai Madu gaw shi a daru magam n-gun hte ginding aga hpe hpan da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

YEREMIA 51:15

Dai Madu gaw shi a daru magam n-gun hte ginding aga hpe galaw da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MARKU 13:19

Hpa majaw nga yang, Karai Kasang hpan tawn da ai ginding aga nnan lat kaw nna ya du hkra n byin yu ai hte, hpang de mung byin lu na ru tsang ai gaw, dai nhtoi hte hta e byin pru na ra ai.

KASA 14:15

Hkau hte e, “Hpa rai dai galaw wa myit ta? An mung nanhte hte maren shinggyim masha yan sha arai ga ai! Ndai kaman lila amu ni hpe kau da nna, sumsing lamu hte ginding aga nammukdara hte dai hta rawng ai nga manga hpe hpan tawn da ai ahkrung nga ai Karai Kasang hpang de kayin wa myit ga, ngu nna she nanhte hpe dai Kabu Gara Shiga hkaw dan ai rai ga ai.

KASA 17:24

Mungkan ga hte dai hta nga ai yawng mayawng hpe hpan tawn da ai Karai Kasang gaw sumsing lamu hte ginding aga a Madu rai nga ai rai nna masha lata hte shachyaw ai nawku nta ni hta rawng nga ai n rai.

KASA 4:24

Dai na jang shanhte gaw myit langai sha hte Karai Kasang kaw, “Sumsing lamu hte ginding aga, panglai hte dai hte hta nga manga hpe hpan tawn da ai Madu e,

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

EHPESU 3:9

Karai Kasang a makoi magap da ai yaw shada ai lam gara hku byin tai wa na ra ai lam masha yawng hpe mu chye shangun na matu mung Karai Kasang gaw dai ahkaw ahkang ngai hpe jaw ni ai, nga yawng nga pra hpe hpan da ai Karai Kasang gaw shi a sung htum ai lam hpe prat mi hte prat mi kaw nna makoi magap da wu ai.

HEBRE 1:10

Bai shi gaw, “Madu e, shawng ningpawt e, ginding aga hpe nang gaw da nna, Na a lata hte nan sumsing lamu hpe hpan da nit dai;

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

HEBRE 11:3

N mu lu ai arai ni kaw nna mu lu ai arai ni byin tai wa na matu Karai Kasang a mungga hte ndai nga yawng nga pra hpe hpan da sai lam anhte chye lu ai gaw dai makam masham a majaw rai nga ai.

HEBRE 3:4

Nta ngu ai hpe marai langai ngai e gaw gap da nga ai; yawng mayawng hpe gaw gap ai wa chyawm gaw Karai Kasang rai nga ai.

2 PETRU 3:5

Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:13

Ngai gaw Alhpa hte Omega, npawt nhpang mung, hpang jahtum mung rai nga nngai.”

SHINGRAN 3:14

“Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.