NEHEMIA 9:8 - Jinghpaw Common Language Bible 2009

⁸ Shi gaw nang hta sadi dung nga ai hpe nang mu nna, shi hte ga shaka tawn da nga ndai. Nang gaw shi hpe Hkanan masha ni a lamu ga, Hiti hte Amori masha ni a lamu ga, Perizi, Yebusi hte Girgashi masha ni a lamu ga jaw nna, dai mung hta shi a amyu matu ni hpe nga shangun na matu ga sadi jaw nit dai. Nang gaw sadi dung nga ndai majaw, na a ga sadi hpe nang shatup nit dai.

Jinghpaw Hanson Version Bible

⁸ Shi gaw na a man e kangka nga ai hpe, nang mu nna, shi a aru arat ni hpe Hkanani, Hiti, Amori, Perizi, Yebusi hte Girgasi masha ni a mung ni hpe jaw na nga, nang shi hte ga shaka tawn da nna, nang dinghpring rai nga ai majaw, na a ndat ga hpe nang shadik ya nu ai.”

NEHEMIA 9:8 ပူးပေါင်းရင်းမြစ်များ

NINGPAWT NINGHPANG 12:7

Dai Madu gaw Abram kaw dan pru nna shi hpe, “Na a amyu matu mara ni hpe ngai jaw na ngu ai mungdan gaw ndai rai nga ai,” ngu nna tsun wu ai. Dai rai nna, shi kaw dan pru ai dai Madu a matu dai shara hta tawn hkungri hpe Abram galaw wu ai.

NINGPAWT NINGHPANG 15:6

Abram mung dai Madu hpe kam hpa nga wu ai, dai lam a majaw, dai Madu gaw shi hpe awng sharawng ai hte hkap la wu ai.

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

2 SAMUELA 22:31

Karai Kasang gaw shi a amu gade sha hkum tsup nga ai hte shi tsun ai ga ni gade sha kam hpa mai nga a hka! Shi a makawp maga lam hkan tam ai ni yawng a matu shi gaw ninggang langai zawn rai nga ai.

1 HKAWHKAM LABAU 1:14

Hkanan gaw Yebusi, Amori, Girgashi,

1 HKAWHKAM LABAU 16:16

Abraham hte shi tawn da ai ga shaka hpe mung, Isak hte shagrin da ai ga sadi hpe mung, galoi mung hkum malap kau myit.

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

NEHEMIA 9:33

Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

SHAKAWN KUNGDAWN 116:5

Dai Madu gaw matsan dum ai hte mai kaja ai wa rai nga ai; anhte a Karai Kasang gaw matsan chye dum ai wa rai nga ai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

EZEKELA 33:24

Shi gaw ngai hpe, “Si chye ai masha wa e, Israela mung na hten run mat sai mare ni hta shanu nga ai amyu masha ni gaw, ‘Abraham shi hkrai sha nga ti mung, mungdan ting ap ya hkrum nga ai, ya dai mung hta e, anhte law law wa rai nga ga ai, dai rai nna dai mungdan gaw anhte a mungdan rai nga sai,’ ngu nna tsun nga ma ai.

BU HKAWM 13:29

Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

KASA 13:22

Dai hpang Shawlu hpe jahkrat kau nhtawm, Karai Kasang gaw Dawi hpe shanhte a hkawhkam sharawt ya mu ai. Dai wa a lam Karai Kasang tsun ai gaw, ‘Yese a kasha Dawi gaw nye a myit hte tup hkrak ra sharawng ai masha, ngai galaw shangun mayu ai nga manga hpe galaw shadik ya na wa re ai hpe ngai mu se ai,’ nga ai.

TARA JAHPRANG 26:3

Dai aten na hkinjawng agyi hpang de sa nhtawm shi hpe, ‘Anhte hpe jaw na nga, anhte a ji wa ni hpe ga sadi jaw da sai mung de ngai shang lu ni ai gaw dai Madu nye a Karai Kasang a majaw rai nga ai hpe ya ngai yin la ni ai,’ ngu nna tsun na rai wu ai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

TARA JAHPRANG 9:5

Nanhte gaw mai kaja nga nna teng man ai amu hpe galaw nga myit dai majaw dai Madu nanhte hpe shanhte a mungdan hpe madu la shangun myit dai n rai; shanhte nan n hkru n shawp ai a majaw mung, nanhte a nji nwa Abraham, Isak hte Yaku ni hte tawn da ai ga sadi hpe shadik shatup na shatawng shada da ai lam a majaw mung, shi shanhte hpe shaden kau na rai wu ai.

TITU 1:2

Dai Nawku htung gaw htani htana asak hpe myit mada ai lam hta npawt de da nga ai. Masu magaw n chye ai Karai Kasang gaw, moi chyaloi nhkoi kaw nna htani htana asak anhte hpe jaw na matu ga ndat jaw da mani ai.

HEBRE 11:17

Abraham gaw Karai Kasang e chyam yu hkrum ai shaloi, kam sham ai hte kasha Isak hpe shagu hkungga di nna nawng ya kau wu ai. Abraham gaw Karai Kasang kaw na ga sadi hkam la ai wa rai nga ai, rai ti mung shi gaw shi a kasha shingtai hpe hkungga di nna nawng ya kau na jin nga chyalu rai nga ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

YAWSHU 11:23

Yawshu gaw dai Madu Mawshe hpe hkang da nu ai hte maren, mungdan ting gasat la nhtawm Israela amyu masha ni hpe shanhte a sali ga hku shi jaw nhtawm amyu bawsang shagu hte hpe sali karan ya wu ai. Dai rai nna, shanhte gaw majan man hta na mung hkring sa la lu ma ai.

YAWSHU 11:3

Shi gaw Yawdan hka a lahkawng maga hkran de nga ai Hkanani masha ni, Amori masha ni, Hiti masha ni, Perizi masha ni hte bum ga hkan nga ai Yebusi masha ni, Mizpa mung na Hermon bum lagaw hkan e nga ai Hiwi masha ni hpe mung shiga shana dat wu ai.

YAWSHU 23:14

“Ya chyawm gaw ngai si wa na aten du wa nga sali ai. Dai Madu nanhte a Karai Kasang a ga sadi hte maren, mai kaja ai chyeju yawng mayawng nanhte hpe jaw ya manit dai hpe nanhte langai hte langai tinang a myit kraw lawang hte myit masin hta chye nga myit dai; shi jaw ai ga sadi shagu hpe n hprai ai sha galaw shatup nu ai.

YAWSHU 9:1

Ya, Yawdan hka a sinna hkran up ai hkawhkam ni yawng mung, bum ga, bum lagaw, pa layang hkan, Lebanon dingdung maga, Ka-ang Panglai hka kau mayan yawng hkan up ai Hiti, Amori, Hkanani, Perizi, Hiwi hte Yebuzi amyu ni a hkawhkam ni gaw Israela masha ni a awng padang shiga na ma ai.

1 YAWHAN 1:9

Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai.