NEHEMIA 9:38 - Jinghpaw Common Language Bible 2009

³⁸ Ndai lam yawng mayawng byin lai mat wa sai majaw, anhte Israela masha ni myit hkrum ga shaka langai ka da ga ai, anhte a ningbaw ni, anhte a Lewi masha ni, hte anhte a hkinjawng ni dai hta shanhte a dazik dawk ma ai.

Jinghpaw Hanson Version Bible

³⁸ “Shing rai hkrum sha timung, anhte tengman ai ga shaka tawn da nna, ka da ai; anhte a du ni, Lewi masha ni hte hkinjawng ni gaw, dai laika hpe dazik shakap ma ai,” ngu nna tsun mu ai.

NEHEMIA 9:38 ပူးပေါင်းရင်းမြစ်များ

2 HKAWHKAM 23:3

Shi gaw shadaw makau e tsap let, dai Madu a ga hpe madat mara nna shi a tara ni yawng hte hkang da ai ga ni hpe myit masin mahkra hte shadik shatup let dai laika hta ka da ai hte maren dai Madu hte ga shaka shagrin da nhtawm dai hpe hkan galaw na ga shaka tawn da wu ai. Amyu masha ni yawng mung dai ga shaka hpe hkan sa na matu ga sadi tawn da nga masai.

2 HKAWHKAM LABAU 23:16

Hkinjawng Yehoiada gaw Hkawhkam Yosha hte amyu masha ni shi hte matut mahkai nna dai Madu a amyu masha tai wa lu mu ga nga, ga shaka tawn da shangun wu ai.

2 HKAWHKAM LABAU 29:10

“Ya ngai gaw dai Madu Israela a Karai Kasang hte ga shaka tawn da na myit daw dan da ni ai; shi anhte hpe galoi mung pawt na ra ai n rai.

2 HKAWHKAM LABAU 34:31

Shi gaw hkawhkam shadaw makau e tsap nga let shi a myit masin, wenyi mahkra hte shi a ga hpe madat mara nna tara hte hkang da ai ga ni yawng hpe shadik shatup let, laika hta ka da sai ga shaka hte maren hkan galaw lu hkra nga, dai Madu hte ga shaka shagrin da nu ai.

EZRA 10:3

Ya chyawm gaw, ndai numsha ni hte shanhte a kashu kasha ni hpe anhte kau tawn da na saga ai ngu, anhte a Karai Kasang hpe ga sadi langai shaka da lu na rai ga ai. Nang mung, Karai Kasang a hkang da ai ga ni hpe shagrau sha-a ai kaga masha ni mung, anhte galaw na matu hpaji jaw mi ai hte maren anhte galaw na ga ai. Karai Kasang hkang da ai Tara hte maren anhte galaw na ga ai.

NEHEMIA 10:1

Shawng nnan lata masat shakap ai gaw Hahkalia a kasha, munggyi Nehemia rai nga ai; dai hpang Zedekia lata masat shakap ai. Ndai ni mung lata masat shakap ma ai: Seraia, Azaria, Yeremia, Pashura, Amaria, Malhkiya, Hatusha, Shebania, Maluk, Harim, Meremot, Obadia, Daniela, Ginehton, Baruk, Meshulam, Abiya, Miyamin, Mazia, Bilgai hte Shemaia ni rai nga ai. Azania a kasha Yeshua, Henadad lakung na Binui Kadmiela, Shebania, Hodia, Kelita, Pelaia, Hanan, Mihka, Rehob, Hashabia, Zahkura, Sherebia, Shebania, Hodia, Bani, hte Beninu ni rai nga ai. Parosha, Pahat Moba, Elam, Zatu, Bani, Buni, Azgad, Bebai, Adoniya, Bigwai, Adin, Atera, Hezekia, Azura, Hodia, Hashum, Bezai, Harip, Anahtot, Nebai, Magpia, Meshulam, Hezira, Meshezabela, Zadok, Yadua, Pelatia, Hanan, Anaia, Hoshea, Hanania, Hashuba, Halohesha, Pilha, Shobek, Rehum, Hashabna, Masea, Ahia, Hanan, Anan, Maluk, Harim hte Bana ni rai nga ai.

NEHEMIA 10:29

shi a shangun ma Mawshe a lata hku nna Karai Kasang jaw ya sai Karai Kasang a Tara hte maren, anhte asak hkrung nga na mung, dai Madu anhte a Madu anhte hpe hkang da sai lam yawng mayawng madat mara na mung, shi a tara ni hte madat da ai ga ni yawng hpe hkan shatup na lam ni hpe mung, anhte a ningbaw ni hte ndai hku matut manoi nga let ga shaka dagam da ga ai rai nna dai hpe anhte run jahten ga ai rai yang, matsa mawa ari hkrum na ga ai ngu, dagam ga ai.

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

MAHTE 27:66

Dai rai nna shanhte lup de sa wa nna dai chyinghka pat da ai lungbyen hpe dazik dawk ai hte lup hpe malawm magawm di nna pat da nhtawm, sin langa ni hpe sin shangun mu ai.