NEHEMIA 9:35 - Jinghpaw Common Language Bible 2009

³⁵ Na a shaman chyeju a jaw e, hkawhkam ni na a amyu masha ni hpe up ma ai; shanhte sumtsan ga e nga nga ma ai shaloi, nang shanhte hpe ga sau rawng ai lamu ga jaw ndai; rai ti mung shanhte gaw yubak mara kaw na kayin wa na matu hte nang hpe daw jau na matu hprai ma ai.

Jinghpaw Hanson Version Bible

³⁵ Na a chyeju myit kaba a jaw e, nang shanhte hpe jaw da ai mungdan hte, ga sau rawng nna dam lada ai lamu ga hta nga lu timung, shanhte nang hpe n daw n jau ai hte, tinang a n hkru ai amu ni hpe koi kau da ma ai, n rai.

NEHEMIA 9:35 ပူးပေါင်းရင်းမြစ်များ

NEHEMIA 9:25

Na a amyu masha ni gaw bunghku kum ai mare ni, ga sau rawng ai lamu ga, sut gan hpring hkra rawng ai dum nta ni, htu da chyalu hka htung ni, tsanlun hpun ni, namsi hpun ni, hte sabyi sun ni hpe zing la nga ma ai. Shanhte gaw sha mayu ai mahkra sha ai hte hpum wa ma ai; shanhte gaw nang jaw ya ai mai kaja ai arung arai yawng a majaw kabu gara nga ma ai.

NEHEMIA 9:34

Anhte a kaji kawa ni, anhte a hkawhkam ni, ningbaw ni hte hkinjawng ni na a Tara hkan shatup nga ma ai n rai. Shanhte gaw na a hkang da ai ga ni hte shadum jahprang ga ni hpe madat ma ai n rai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

YEREMIA 5:19

Shanhte gaw ngai hpa majaw ndai amu ni hpe galaw ai lam shanhte san ai shaloi, Yeremia e, dai gaw shanhte ngai kaw nna kayin mat wa nhtawm shanhte a mungdan hta nan maigan karai ni hpe daw jau ma ai, dai rai nna shanhte gaw shanhte a matu n rai nga ai mungdan hta tsasam masha ni hpe daw jau na mara ai ngu nna shanhte hpe tsun u,” ngu nna tsun ai.

EZEKELA 5:6

Rai ti mung, Yerusalem gaw nye a hkang da ai ga hpe gumlau nna, kaga masha amyu baw ni hta grau nna n hkru n shawp nga ma ai hte shi a grup yin mungdan ni hta grau nna lale kau nga ai hpe madun dan nga nu ai. Yerusalem gaw nye a hkang da ai ga hpe n hkan hkraw ai hte nye a tara ni hpe shatup na matu ningdang kau nu ai.

TARA JAHPRANG 28:47

Dai Madu gaw nanhte hpe lam magup shaman ya manit dai; rai ti mung nanhte shi hpe kabu gara ai myit hte n daw n jau myit dai.

TARA JAHPRANG 28:48

Dai majaw nanhte hpe ninghkap na matu dai Madu shangun dat ai gumlau hpyen ni hpe mahtang daw jau na rai myit dai; shing rai ra kadawn ai lam shagu hta kawsi hpang gara ai hte singgu krin re ai tsin-yam ahkrum sha nga na rai myit dai. Dai Madu gaw nanhte hten run mat ai aten du hkra nanhte hpe ja ja dip gamyet da na ra ai.

TARA JAHPRANG 31:21

shaloi hkrit hpa ru yak tsin-yam tsindam law law shanhte hkrum kadup na mara ai. Rai ti mung ndai mahkawn mangoi ga hpe naw mahkawn na ra ai rai nna dai gaw shanhte a matu sakse tai nga na ra ai. Shanhte hpe jaw na ngu nna ga sadi jaw da sai mungdan de garai n woi shang ai kaw nna pyi, shanhte kaning rai myit mang nga ma ai hpe ngai chye nga nngai,” ngu nna tsun wu ai.